|    Jan 18 Thu, 2018 1:55 pm
FLASH NEWS

അക്രമങ്ങള്‍ക്കെതിരേ കാംപയിനുമായി കുടുംബശ്രീ സ്‌നേഹിത

Published : 11th January 2018 | Posted By: kasim kzm

അക്രമങ്ങള്‍ക്കെതിരേ കാംപയിനുമായി കുടുംബശ്രീ സ്‌നേഹിതപെരുമ്പാവൂര്‍: സ്ത്രീകള്‍ക്കും കുട്ടികള്‍ക്കുമെതിരേ വര്‍ധിച്ച് വരുന്ന അക്രമങ്ങള്‍ക്കെതിരേ ബോധവല്‍ക്കരണ കാംപയിനുമായി കുടുംബശ്രീയുടെ സ്‌നേഹിത. കാംപയിന്റെ ആദ്യഘട്ടത്തില്‍ വിവിധ മണ്ഡലങ്ങളില്‍ ചെന്ന് ഒപ്പ് ശേഖരണം നടത്തുകയും ബോധവല്‍ക്കരണം നടത്തുകയുമാണ് ലക്ഷ്യം.സ്‌നേഹിതയില്‍ അര്‍ഹരായവര്‍ക്ക് താല്‍ക്കാലിക താമസം, സൗജന്യഭക്ഷണം, കൗണ്‍സലിങ്, ചികില്‍സ, നിയമസംയോജന സംരക്ഷണം, ലിംഗപദവി അധിഷ്ഠിത പരിശീലനങ്ങള്‍ എന്നിവയാണ് നല്‍കുന്നത്. കാക്കനാട് പ്രവര്‍ത്തിക്കുന്ന സ്‌നേഹിത ജന്‍ഡര്‍ ഹെല്‍പ് ഡസ്‌കിന്റെ കുടുംബശ്രീ കമ്മ്യൂനിറ്റി കണ്‍സിലര്‍മാരാണ് സ്ത്രീപദവി സ്വയം പഠന പദ്ധതിയുടെ ഭാഗമായി കൂവപ്പടി ബ്ലോക്കുതല പര്യടനം നടത്തുകയും ഒരു മാസം കൊണ്ട് ഒരു ലക്ഷം ഒപ്പു ശേഖരിക്കുകയും ചെയ്യുന്നത്. സമൂഹത്തില്‍ നില നില്‍ക്കുന്ന അരാജകത്വങ്ങള്‍ക്കെതിരേ ശബ്ദമുയര്‍ത്താന്‍ പ്രേരിപ്പിക്കുക എന്ന ലക്ഷ്യത്തോടെ പ്രതികരിക്കുക, പ്രതികരിക്കുന്നവരോട് ഒപ്പം നില്‍ക്കുക, പ്രതികരിക്കുന്നവരെ ഒറ്റപ്പെടുത്താതിരിക്കുക എന്ന സന്ദേശമുയര്‍ത്തിപ്പിടിച്ചാണ് കാംപയിന്‍. കുടുംബശ്രീ കൗണ്‍സിലര്‍മാരായ രജിത ജയകുമാര്‍, രമ്യ നിഷാന്ത്, ജിജി ശശി തുടങ്ങിയവരുടെ നേതൃത്വത്തിലാണ് ഒപ്പു ശേഖരണം നടത്തി വരുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day