|    May 22 Tue, 2018 3:52 pm
FLASH NEWS
Home   >  Todays Paper  >  Page 5  >  

അക്രമം ആര്‍എസ്എസ് ഗൂഢാലോചനയുടെ ഫലം: മുഖ്യമന്ത്രി

Published : 30th December 2017 | Posted By: kasim kzm

മണ്ണാര്‍ക്കാട്: നേതൃതലത്തിലുള്ള ആലോചനയുടെ ഭാഗമായി സംസ്ഥാനത്ത് ആര്‍എസ്എസ് സംഘര്‍ഷം ഉണ്ടാക്കുകയാണെന്ന് മുഖ്യമന്ത്രി പിണറായി വിജയന്‍. സിപിഎം പാലക്കാട് ജില്ലാ സമ്മേളനം മണ്ണാര്‍ക്കാട്ട് ഉദ്ഘാടനം ചെയ്യുകയായിരുന്നു അദ്ദേഹം. സമാധാന ചര്‍ച്ചകള്‍ കഴിഞ്ഞതിന്റെ പിറ്റേദിവസം വെട്ടിക്കൊല്ലാന്‍ ശ്രമിക്കുകയാണ്. എല്ലാ വെട്ടും ഒരുപോലെയാണ്. വസ്തുതകള്‍ വസ്തുതാവിരുദ്ധമായി പ്രചരിപ്പിക്കുകയും മറുഭാഗത്ത് അതിന്റെ പേരില്‍ കലാപം സൃഷ്ടിക്കുകയുമാണ് ആര്‍എസ്എസ്. ഇതേ നിലപാടാണ ആര്‍എസ്എസ് കേന്ദ്ര നേതൃത്വവും സ്വീകരിക്കുന്നത്. നവ ഉദാരവല്‍ക്കരണ നയം മാറാതെ കോണ്‍ഗ്രസ്സുമായി രാഷ്ട്രീയ സഖ്യം വേണ്ടെന്നാണ് സിപിഎം നിലപാട്. ബിജെപി,ആര്‍എസ്എസ് ഭരണത്തിനു ശക്തമായ ബദല്‍ രൂപപ്പെടേണ്ടതുണ്ടെന്നും പിണറായി വിജയന്‍ പറഞ്ഞു. മൂന്നുദിവസമായി നടക്കുന്ന സമ്മേളനത്തില്‍ മുഴുവന്‍ സമയവും പിണറായി വിജയന്‍ പങ്കെടുക്കുന്നുണ്ട്. വധഭീഷണിയുടെ പശ്ചാത്തലത്തില്‍ കനത്ത സുരക്ഷയാണ് പിണറായി വിജയന് വേണ്ടി ഒരുക്കിയിട്ടുള്ളത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss