|    Nov 18 Sun, 2018 11:36 pm
FLASH NEWS
Home   >  Todays Paper  >  Page 1  >  

അംഗരക്ഷകന്‍ വെടിവച്ച സംഭവം: ജഡ്ജിയുടെ മകനും മരിച്ചു

Published : 24th October 2018 | Posted By: kasim kzm

ന്യൂഡല്‍ഹി: ഗുരുഗ്രാമില്‍ അംഗരക്ഷകന്റെ വെടിയേറ്റ് ചികില്‍സയിലായിരുന്ന ജഡ്ജിയുടെ മകനും മരിച്ചു. അഡീഷനല്‍ സെഷന്‍സ് ജഡ്ജി കൃഷന്‍ കാന്തിന്റെ മകന്‍ 19കാരനായ ധ്രുവാണ് മരിച്ചത്. ഇദ്ദേഹത്തിന്റെ ഹൃദയവും കരളും വൃക്കയും ദാനം ചെയ്തു. ഒക്‌ടോബര്‍ 13നാണ് ധ്രുവിന് വെടിവയ്പില്‍ ഗുരുതര പരിക്കേറ്റത്. ഷോപ്പിങ് മാളില്‍ നിന്ന് മടങ്ങിവരുകയായിരുന്ന കൃഷന്‍കാന്തിന്റെ ഭാര്യ ഋതു, മകന്‍ ധ്രുവ് എന്നിവര്‍ക്കു നേരെ അംഗരക്ഷകന്‍ മഹിപാല്‍ വെടിയുതിര്‍ക്കുകയായിരുന്നു. കൃഷന്‍കാന്തിന്റെ ഭാര്യ വെടിയേറ്റതിന്റെ തൊട്ടടുത്ത ദിവസം തന്നെ മരിച്ചു. ഷോപ്പിങ് കഴിഞ്ഞെത്തിയ ഋതുവും ധ്രുവും അംഗരക്ഷകനെ കാണാത്തതില്‍ ക്ഷുഭിതരായതോടെ പെട്ടെന്നുണ്ടായ ദേഷ്യത്തില്‍ ഇയാള്‍ വെടിയുതിര്‍ക്കുകയായിരുന്നുവെന്ന് പോലിസ് വ്യക്തമാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss