ഹെഡ്മാസ്റ്റേഴ്‌സ് അസോസിയേഷന്‍ സംസ്ഥാന സമ്മേളനം

തൃശൂര്‍: കേരള പ്രൈവറ്റ് പ്രൈമറി ഹെഡ്മാസ്റ്റേഴ്‌സ് അസോസിയേഷന്‍ സുവര്‍ണ ജൂബിലി സംസ്ഥാന സമ്മേളനം 6, 7, 8 തിയ്യതികളിലായി പി എ റാഫേല്‍ മാസ്റ്റര്‍ നഗറില്‍ (കാല്‍ഡിയന്‍ സെന്റര്‍) നടക്കും. ആറിന് രാവിലെ 9.30ന് വി എസ് സുനില്‍കുമാര്‍ എംഎല്‍എ ഉദ്ഘാടനം ചെയ്യും. കെ പിപിഎച്ച്എ സംസ്ഥാന പ്രസിഡന്റ് എ എല്‍ പാപ്പച്ചി അധ്യക്ഷത വഹിക്കും. യാത്രയയപ്പ് സമ്മേളനത്തിന്റെ ഉദ്ഘാടനം തൃശൂര്‍ കോര്‍പറേഷന്‍ മേയര്‍ അജിത ജയരാജ് നിര്‍വഹിക്കും. ഉദ്ഘാടന സമ്മേളനം ഏഴിന് രാവിലെ പത്തിന് പ്രതിപക്ഷ നേതാവ് വി എസ് അച്യുതാനന്ദന്‍ ഉദ്ഘാടനം ചെയ്യും.