ഹിമപാത ഭീഷണി: കശ്മീരില്‍ സ്‌കൂളുകള്‍ അടച്ചു

ശ്രീനഗര്‍: bഹിമപാത ഭീഷണിയെത്തുടര്‍ന്ന് ജമ്മുകശ്മീരിലെ ഉദ്ദംപൂര്‍, ദോഡ ജില്ലകളിലെ വിദ്യാലയങ്ങള്‍ ശനിയാഴ്ച അടച്ചിട്ടു. ഇരു ജില്ലകളിലും കനത്ത മഴ തുടരുന്നതിന്റെ പശ്ചാത്തലത്തില്‍ കാലാവസ്ഥാ വകുപ്പിന്റെ നിര്‍ദേശപ്രകാരമാണു നടപടി. പരീക്ഷകളും റദ്ദാക്കി. ചെനാബ് നദിയുടെയും പോഷകനദികളുടെയും സമീപപ്രദേശങ്ങളില്‍ ജാഗ്രത പ്രഖ്യാപിച്ചു. അടിയന്തര സാഹചര്യം നേരിടുന്നതിന് പോലിസ് ഓഫിസര്‍മാര്‍ സന്നിഹിതരാവണമെന്ന് ഡിജിപി കെ രാജേന്ദ്ര കുമാര്‍ നിര്‍ദേശം നല്‍കി.