ഹാരിസണ്‍ സമരം ആറാം ദിവസം; തൊഴിലാളികള്‍ റോഡ് ഉപരോധിച്ചു

ചുണ്ടേല്‍: വയനാട്ടില്‍ ഹാരിസണ്‍ മലയാളം തോട്ടം തൊഴിലാളികളുടെ സമരം ആറാംദിവസത്തിലേക്ക് കടന്നു. തൊഴിലാളികള്‍  ചുണ്ടേലിലും അരപ്പറ്റയിലും റോഡ് ഉപരോധിച്ചിരിക്കുകയാണ്.

എസ്‌റ്റേറ്റ് ലേബര്‍യൂനിയന്‍ സിഐടിയുവിന്റെ ആഭിമുഖ്യത്തിലാണ് ഉപരോധം.

സംയുക്ത ട്രേഡ് യൂനിയന്റെ ആഭിമുഖ്യത്തില്‍ വെള്ളാര്‍മല വില്ലേജ് ഓഫിസും ഉപരോധിച്ചു.

20 ശതമാനം ബോണസ് വര്‍ധനവ്,മിനിമം കൂലി 500 രൂപ,ജോലിസമയം ഏകീകരിക്കുക,എസ്‌റ്റേറ്റ് പാടികളുടെ ശോചനീയാവസ്ഥ പരിഹരിക്കുക എന്നീ ആവശ്യങ്ങളുന്നയിച്ചാണ് പണിമുടക്ക് തുടരുന്നത്.