സ്വിസ് ഓപണ്‍: പ്രണോയിക്ക് കിരീടം

ബാസെല്‍: സ്വിസ് ഓപണ്‍ ബാഡ്മിന്റണ്‍ ടൂര്‍ണമെന്റില്‍ ഇന്ത്യന്‍ താരം എച്ച്എസ് പ്രണോയിക്ക് കിരീടം. ഇന്നലെ നടന്ന ഫൈനലില്‍ ഏഴാം സീഡായ ജര്‍മനിയുടെ മാര്‍ക് സ്വീബ്ലറിനെ നേരിട്ടുള്ള സെറ്റുകള്‍ക്ക് പ്രണോയി തോല്‍പ്പിക്കുകയായിരുന്നു. സ്‌കോര്‍: 21-18, 21-15.
45 മിനിറ്റ് കൊണ്ടാണ് എതിരാളിയെ 13ാം സീഡായ പ്രണോയി അടിയറവ് പറയിച്ചത്. പ്രണോയിയുടെ ആദ്യ സ്വിസ് ഓപണ്‍ കിരീടമാണിത്.
ഇത് രണ്ടാം തവണയാണ് ഗ്രാന്റ് പ്രിക്‌സില്‍ താരം ജേതാവാകുന്നത്. നേരത്തെ 2014ല്‍ ഇന്തോനീസ്യ ഗ്രാന്റ് പ്രിക്‌സിലും പ്രണോയി ചാംപ്യനായിട്ടുണ്ട്.