സ്വകാര്യബസ് ഓട്ടോയിലേക്ക് പാഞ്ഞുകയറി രണ്ട് കുട്ടികള് മരിച്ചു
BY swapna en12 Dec 2015 3:30 PM GMT
swapna en12 Dec 2015 3:30 PM GMT
ചടയമംഗലം: സ്വകാര്യബസ് ഓട്ടോയിലേക്ക് പാഞ്ഞുകയറി രണ്ട് കുട്ടികള് മരിച്ചു. എംസി റോഡില് ചടയമംഗലം ബ്ലോക്ക് ഓഫിസിന് സമീപം ശനിയാഴ്ച ഉച്ചയോടെയാണ് അപകടം. അഞ്ചല് അലയമണ് കണ്ണംങ്കോട് കോണത്തുപുത്തന്വീട്ടില് ശിവകുമാറിന്റെ മക്കളായ കാര്ത്തിക(14), ശരത്(പത്ത്) എന്നിവരാണ് മരിച്ചത്. മരിച്ച കുട്ടികളുടെ മാതാവ് മരണി(40), ഓട്ടോ ഡ്രൈവര് ചടയമംഗലം പോരേടം സ്വദേശി ലിഖിന്രാജ്(22) എന്നിവരെ ഗുരുതരമായ പരിക്കുകളോടെ തിരുവനന്തപുരം മെഡിക്കല്ാകോളജില് പ്രവേശിപ്പിച്ചു. ആയൂരില്നിന്നും ചടയമംഗലം ഭാഗത്തേക്ക് വരികയായിരുന്ന ഓട്ടോയില് കടയ്ക്കലില്നിന്നും കൊട്ടാരക്കരയിലേക്ക് വന്ന വിമലയെന്ന സ്വകാര്യബസ് ഇടിക്കുകയായിരുന്നു. മരിച്ച കുട്ടികളുടെ മാതാവും ഓട്ടോയിലാണ് സഞ്ചരിച്ചത്. കൊട്ടിയത്ത് താമസിക്കുന്ന രമണിയുടെ മൂത്തമകള് രമ്യയുടെ വീട്ടിലേക്ക് പോകുമ്പോഴായിരുന്നു അപകടം. തലയ്ക്ക് മാരകമായ പരിക്കേറ്റ കാര്ത്തികയും ശരത്തും സംഭവസ്ഥലത്ത് തന്നെ മരിച്ചു. മൃതദേഹങ്ങള് കടയ്ക്കല് താലൂക്ക് ആശുപത്രിയില് പോസ്റ്റുമോര്ട്ടം നടത്തി. ഇന്ന് വീട്ടുവളപ്പില് സംസ്കരിക്കും.
Next Story
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMT