സൂര്യനെല്ലി; പെണ്‍കുട്ടി സ്വന്തം ഇഷ്ടപ്രകാരമാണോ പോയതെന്ന് സംശയിക്കുന്നുവെന്ന് സുപ്രിംകോടതി

ന്യൂഡല്‍ഹി: സൂര്യനെല്ലി കേസില്‍ പെണ്‍കുട്ടി  സ്വന്തം ഇഷ്ടപ്രകാരമാണോ പോയതെന്ന് സംശയിക്കുന്നതായി സുപ്രിംകോടതി.24 ഓളം പ്രതികളുടെ ജാമ്യം പരിഗണിക്കുകയായിരുന്നു കോടതി.പെണ്‍കുട്ടിയ്ക്ക് രക്ഷപ്പെടാന്‍ നിരവധി അവസരങ്ങളുണ്ടായിരുന്നുവെന്നാണ് തെളിവുകളില്‍ നിന്ന് വ്യക്തമായത്.

പ്രതികള്‍ കുട്ടിയെയും കൊണ്ട് ഓട്ടോറിക്ഷയിലും കെഎസ്ആര്‍ടിസി ബസ്സിലുമൊക്കെയാണ് സഞ്ചരിച്ചത്. ഈ അവസരത്തില്‍ രക്ഷപ്പെടാമായിരുന്നു. അല്ലെങ്കില്‍ സഹയാത്രികരോട് പരാതി പറയാമായിരുന്നു.സ്വന്തം ഇഷ്ടപ്രകാരമാണ് പെണ്‍കുട്ടി പോയതെന്ന് സംശയിക്കുന്നുവെന്ന് സുപ്രിംകോടതി ജസ്റ്റിസ് ദീപക് മിശ്ര പറഞ്ഞു.അതേസമയം കേസിലെ പ്രതികള്‍ക്ക് ജാമ്യം നല്‍കില്ലെന്നും കോടതി പറഞ്ഞു. ജാമ്യാപേക്ഷ അടുത്ത മാര്‍ച്ചില്‍ കോടതി പരിഗണിക്കും.