ഷാര്‍ളി ഹെബ്ദോയുടെ പ്രത്യേക പതിപ്പ് പുറത്തിറക്കും

പാരിസ്: ഫ്രഞ്ച് ആക്ഷേപഹാസ്യ വാരിക ഷാര്‍ളി ഹെബ്ദോ ആക്രമിക്കപ്പെട്ടതിന്റെ വാര്‍ഷികത്തില്‍ പ്രത്യേക പതിപ്പിറക്കുമെന്ന് അധികൃതര്‍.
മുഹമ്മദ് നബിയെ മോശമായി ചിത്രീകരിച്ചതിനെ തുടര്‍ന്ന് വാരികയുണ്ടായ ഓഫിസില്‍ സായുധസംഘം നടത്തിയ ആക്രമണത്തില്‍ 12 പേര്‍ കൊല്ലപ്പെട്ടിരുന്നു. പാരിസ് ഓഫിസുകളില്‍ ഒരു ഡസനോളം പേര്‍ കൊല്ലപ്പെട്ട ആ വര്‍ഷത്തെ അടയാളപ്പെടുത്താനായാണ് മാസിക പുറത്തിറക്കുന്നത്.
32 പേജുകളുള്ള വാരിക ദിവസങ്ങള്‍ക്കകം പുറത്തിറക്കും. അക്രമത്തില്‍ കൊല്ലപ്പെട്ട കാര്‍ട്ടൂണിസ്റ്റിന്റെ ചിത്രങ്ങളും മറ്റും മാസികയില്‍ ഉള്‍പ്പെടുത്തും . ആക്രമണത്തിനു ശേഷമാണ് മാസിക ലോകമെമ്പാടും അറിയപ്പെട്ടത്. ആക്രമണത്തിനു പിന്നാലെ ഒരാഴ്ചയ്ക്കു ശേഷം 2014 ജനുവരി 7നു 'സര്‍വൈവേഴ്‌സ് എഡിഷന്‍' പുറത്തിറക്കി. അക്രമത്തെ തുടര്‍ന്ന് മാസികയുടെ സര്‍ക്കുലേഷന്‍ വര്‍ധിക്കുകയും 7.5 മില്യണ്‍ കോപ്പികള്‍ വിറ്റഴിക്കപ്പെടുകയും ചെയ്തു.