വീയപുരത്ത് ജലസംഭരണി നിന്നിടത്ത് കക്കൂസ് നിര്‍മിക്കുന്നതിനെതിരേ പ്രതിഷേധം

ഹരിപ്പാട്: വീയപുരം പഞ്ചായത്ത് രണ്ടാംവാര്‍ഡില്‍ അങ്കണവാടിക്ക് സമീപം സ്ഥാപിച്ചിരുന്ന ജലസംഭരണി മാറ്റി അതേസ്ഥാനത്ത് കക്കൂസ് നിര്‍മിക്കുന്നതിനെതിരേ പ്രതിഷേധം.
പാളയത്തില്‍ കോളനിയിലെ 142-ാം നമ്പര്‍ അങ്കണവാടിയില്‍ 30ഓളം കുട്ടികളാണ് ഇവിടെ പഠിക്കുന്നത്. വടക്കേപറമ്പ്,നന്ദന്‍ക്കേരില്‍, പോളത്തുരുത്തേല്‍ പ്രദേശങ്ങളിലെ കുട്ടികളാണ് ഇവിടെ പഠിക്കുന്നതിലധികവും. പാചകത്തിനും മറ്റും സമീപത്തുള്ള പമ്പയാറ്റിലെ വെള്ളമാണ് ഇപ്പോള്‍ ഉപയോഗിക്കുന്നത്.
ഇവിടെ കുഴല്‍ക്കിണര്‍ സ്ഥാപിക്കുമെന്ന് പഞ്ചായത്ത് പ്രസിഡന്റ് പറയുന്നുണ്ടെങ്കിലും കക്കൂസിനോട് ചേര്‍ന്ന് കുഴല്‍കിണര്‍ സ്ഥാപിച്ചാല്‍ ജലജന്യസാംക്രമിക രോഗങ്ങള്‍ പിടിപെടാന്‍ സാധ്യതയുണ്ടെന്നും ആരോഗ്യപ്രവര്‍ത്തകര്‍ പറയുന്നു.