വീടിന് മുകളിലേക്ക്എക്‌സ്‌കവേറ്റര്‍ മറിഞ്ഞു

ഇരിട്ടി: ബാരപോള്‍ പദ്ധതി പ്രദേശത്തിനു സമീപം നിയന്ത്രണംവിട്ട എക്‌സ്‌കവേറ്റര്‍ നിര്‍മാണത്തിലിരിക്കുന്ന വീടിന്റെ മുകളിലേക്കു മറിഞ്ഞു. വീട് ഭാഗികമായി തകര്‍ന്നു. കച്ചേരിക്കടവിലെ കുറ്റിയാനിക്കല്‍ സണ്ണിയുടെ വീടിനു മുകളിലേക്കാണ് എക്‌സ്‌കവേറ്റര്‍ മറിഞ്ഞത്.
കച്ചേരിക്കടവ്-മുടിക്കയം റോഡിലൂടെ പോവുകയായിരുന്നു എക്‌സ്‌കവേറ്റര്‍ ഓട്ടോറിക്ഷയ്ക്ക് സൈഡ് കൊടുക്കവേ നിയന്ത്രണംവിട്ട് 10 അടി താഴ്ചയിലേക്കു മറിയുകയായിരുന്നു.നിര്‍മാണം പൂര്‍ത്തിയായി ഒരുമാസത്തിനകം വീട് കൂടാനായി ഒരുക്കങ്ങള്‍ നടത്തവെയാണു വീടിന്റെ ഒരുഭാഗം എക്‌സ്‌കവേറ്റര്‍ വീണു തകര്‍ന്നത്. സംഭവസമയം തൊഴിലാളികളാരുമില്ലാത്തതിനാല്‍ വന്‍ദുരന്തം ഒഴിവാഴി.