വീടിന് നേരെ സോഡാകുപ്പിയേറ്; പിഞ്ചുകുഞ്ഞിന് പരിക്ക്

മഞ്ചേശ്വരം: വീടിന് നേരെ സാമൂഹിക വിരുദ്ധര്‍ സോഡാകുപ്പിയെറിഞ്ഞു. വീട്ടിലുണ്ടായിരുന്ന പിഞ്ചുകുഞ്ഞിന് പരിക്കേറ്റു. മഞ്ചേശ്വരം തൂമിനാട്ടെ അബൂബക്കറിന്റെ വീടിനുനേരെയാണ് ഇന്നലെ പുലര്‍ച്ചെ 1.30ഓടെയാണ് ഒരുസംഘം സോഡാകുപ്പിയെറിഞ്ഞത്.
അബൂബക്കറിന്റെ പേരക്കുട്ടി അഞ്ച് മാസം പ്രായമുള്ള സനയ്ക്ക് പരിക്കേറ്റു. നെറ്റിയിലാണ് കുപ്പി പതിച്ചത്.
തൊട്ടടുത്ത് താമസിക്കുന്ന മൊയ്തീന്റെ വീടിനുനേരേയും സോഡാകുപ്പിയെറിഞ്ഞു. സമീപവാസിയായ അബ്ദുല്‍ കരീമിന്റെ വീടിന് മുന്നില്‍ നിര്‍ത്തിയിട്ടിരുന്ന മിനിലോറിയുടെ ചില്ലുകള്‍ എറിഞ്ഞുതകര്‍ത്തനിലയിലാണ്. വീടുകളുടെ ജനല്‍ ഗ്ലാസുകളും തകര്‍ന്നു. മഞ്ചേശ്വരം പോലിസ് കേസെടുത്തു.