വിവാദങ്ങള്ക്കെല്ലാം വിരാമം: മുകേഷിനെ സ്വീകരിക്കാന് പികെ ഗുരുദാസനെത്തി
BY Sumeera SMR4 April 2016 4:55 AM GMT
Sumeera SMR4 April 2016 4:55 AM GMT
കൊല്ലം: വിവാദങ്ങള്ക്കെല്ലാം വിരാമമിട്ട് കൊല്ലത്തെ സ്ഥാനാര്ഥി മുകേഷിനെ സ്വീകരിക്കാന് പികെ ഗുരുദാസന് തന്നെ നേരിട്ടെത്തി. സിപിഎം ജില്ലകമ്മിറ്റി ഓഫിസിലെത്തിയ മുകേഷിനോട് ഘടകകക്ഷി നേതാക്കളെ ഉള്പ്പടെയുള്ള ജില്ലയിലെ പ്രമൂഖരെയെല്ലാം പോയി കാണണമെന്ന ഉപദേശമാണ് പികെ ഗുരുദാസന് പ്രധാനമായി നല്കിയത്. ഇന്നലെ രാവിലെയാണ് സിപിഎം സ്ഥാനാര്ഥിയായ നടന് മുകേഷ് ഔദ്യോഗിക പ്രചാരണ പരിപാടികള്ക്കായി കൊല്ലത്തെത്തിയത്. സിപിഎം ജില്ലകമ്മിറ്റി ഓഫിസിലെത്തിയ മുകേഷിനെ ജില്ല സെക്രട്ടറി കെഎന് ബാലഗോപാലും പികെ ഗുരുദാസനും ചേര്ന്ന് സ്വീകരിച്ചു. എന് കെ പ്രേമചന്ദ്രന്റെ ആരോപണങ്ങള് അടിസ്ഥാനരഹിതമാണെന്ന് മുകേഷ് പറഞ്ഞു. ജില്ലയിലെയും മണ്ഡലത്തിലേയും സിപിഎം നേതാക്കളുടെ സാനിധ്യത്തില് യോഗവും ചേര്ന്നു. സിപിഐഎം സ്ഥാനാര്ഥിയായി പാര്ട്ടി ചിഹ്നത്തില് മല്സരിക്കാന് അവസരം ലഭിച്ചതില് സന്തോഷമുണ്ടെന്നും സിപിഎമ്മുമായി സഹകരിച്ചാണ് രാഷ്ട്രീയ പ്രവര്ത്തനം നടത്തിപോന്നതെന്നും മുകേഷ് പറഞ്ഞു. പേയ്മെന്റ് സീറ്റാണെന്ന എന്കെ പ്രേമചന്ദ്രന് എംപിയുടെ ആരോപണങ്ങള്ക്ക് ഇതായിരുന്നു മുകേഷിന്റെ മറുപടി. വരും ദിവസങ്ങളില് സജീവമായി തന്നെ മണ്ഡലത്തില് പ്രചാരണ രംഗത്തുണ്ടാകുമെന്നും മുകേഷ് പറഞ്ഞു
Next Story
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT