വിഎസ് മുഖ്യമന്ത്രി ആയാല്‍ പിന്തുണയ്ക്കും: പി സി ജോര്‍ജ്

കോട്ടയം: വി എസ് അച്യുതാനന്ദന്‍ മുഖ്യമന്ത്രി ആയാല്‍ പൂര്‍ണ പിന്തുണ അദ്ദേഹത്തിനുണ്ടാവുമെന്ന് പി സി ജോര്‍ജ്. പൂഞ്ഞാറില്‍ താന്‍ മികച്ച വിജയം നേടും. പാലായില്‍ കെ എം മാണി പതിനായിരം വോട്ടുകള്‍ക്ക് മുകളില്‍ പരാജയപ്പെടും. ബിജെപി ചിലപ്പോള്‍ നാലു സീറ്റ് നേടിയേക്കും. ജനാധിപത്യ കേരളാ കോണ്‍ഗ്രസ്സിന് ഒരു സീറ്റും ലഭിക്കില്ലെന്നും അദ്ദേഹം പറഞ്ഞു.
എല്‍ഡിഎഫില്‍ തനിക്ക് സീറ്റ് ലഭിക്കാതിരുന്നത് ഗൂഢാലോചനയുടെ ഭാഗമാണ്. എല്‍ഡിഎഫില്‍ പിണറായി വിജയന്‍ മാത്രമാണ് തനിക്കെതിരേ നിലകൊണ്ടത്. ലാവലിന്‍ കേസില്‍ എടുത്ത നിലപാടാണ് സീറ്റ് ലഭിക്കാതിരുന്നതിന് കാരണമെന്ന് വിശ്വസിക്കുന്നു. ജനപക്ഷ പാര്‍ട്ടിയെന്ന പേരില്‍ പുതിയ പാര്‍ട്ടി രൂപീകരിക്കുമെന്നും സെക്യുലറുമായുള്ള ബന്ധം പൂര്‍ണമായി ഉപേക്ഷിച്ചെന്നും അദ്ദേഹം പറഞ്ഞു. മുന്‍ അനുഭവമുള്ളതുകൊണ്ട് താനായിരിക്കും പുതിയ പാര്‍ട്ടിയുടെ ചെയര്‍മാനെന്നും അദ്ദേഹം പറഞ്ഞു.
Next Story

RELATED STORIES

Share it