വാഹന നിയന്ത്രണം: രണ്ടാംഘട്ടം തുടങ്ങി

ന്യൂഡല്‍ഹി: അന്തരീക്ഷ മലിനീകരണം തടയുന്നതിന്റെ ഭാഗമായി വാഹനങ്ങള്‍ നിരത്തിലിറക്കുന്നത് നിയന്ത്രിക്കാനുള്ള പദ്ധതിയുടെ രണ്ടാംഘട്ടത്തിന് ഡല്‍ഹിയില്‍ തുടക്കമായി. ഇന്നലെ മുതല്‍ ഈ മാസം 30 വരെ തലസ്ഥാനത്തെ നാലുചക്രവാഹനങ്ങളില്‍ പകുതിയെണ്ണം മാത്രമേ റോഡിലിറങ്ങുകയുള്ളൂ. ഒറ്റ അക്കത്തില്‍ അവസാനിക്കുന്ന നമ്പര്‍പ്ലേറ്റുള്ള വാഹനങ്ങള്‍ 15, 17, 19 തുടങ്ങിയ ഒറ്റസംഖ്യയില്‍ അവസാനിക്കുന്ന തിയ്യതികളിലും ഇരട്ട അക്കമുള്ളവ മറ്റു തിയ്യതികളിലും നിരത്തിലിറങ്ങും.