ലെവന്‍ഡോവ്‌സ്‌കി ഡബിളില്‍ ബയേണിന് സെമി ടിക്കറ്റ്

ബെര്‍ലിന്‍: പോളണ്ട് സ്റ്റാര്‍ റോബര്‍ട്ട് ലെവന്‍ഡോവ്‌സ്‌കിയുടെ ഇരട്ടഗോളുകളിലേറി ബയേണ്‍ മ്യൂണിക്ക് ജര്‍മന്‍ കപ്പ് ഫുട്‌ബോള്‍ ടൂര്‍ണമെന്റിന്റെ സെമി ഫൈനലില്‍ കടന്നു. മുന്‍ ചാംപ്യന്‍മാര്‍ കൂടിയായ ബയേ ണ്‍ ക്വാര്‍ട്ടറില്‍ ബോക്കമിനെ എതിരില്ലാത്ത മൂന്നു ഗോളുകള്‍ക്കു തകര്‍ക്കുകയായിരുന്നു. മറ്റൊരു മല്‍സരത്തില്‍ ഹെയ്ഡ ന്‍ഹെയിമിനെ 3-2ന് തോല്‍പ്പിച്ച് ഹെര്‍ത്താ ബെര്‍ലിനും സെമിയില്‍ കടന്നു.
39, 90 മിനിറ്റുകളിലാണ് ബോക്കമിനെതിരേ ലെവന്‍ഡോവ്‌സ്‌കി ലക്ഷ്യം കണ്ടത്. മറ്റൊരു ഗോ ള്‍ 61ാം മിനിറ്റില്‍ തിയാഗോ അല്‍കാന്ററയുടെ വകയായിരുന്നു. 44ാം മിനിറ്റില്‍ ലഭിച്ച പെനല്‍റ്റി തോമസ് മുള്ളര്‍ ലക്ഷ്യത്തിലെത്തിച്ചിരുന്നെങ്കില്‍ ബയേണിന്റെ വിജയമാര്‍ജിന്‍ 4-0 ആവുമായിരുന്നു. 43ാം മിനിറ്റില്‍ യാന്‍ സിമ്യുനെക് ചുവപ്പ് കാര്‍ഡ് കണ്ടതിനെത്തുടര്‍ന്ന് 10 പേരെ വച്ചാണ് ബോക്കം പോരാടിയത്.
സ്‌കോര്‍ സൂചിപ്പിക്കുന്നതു പോലെ അനായാസമായിരുന്നി ല്ല ബയേണിന്റെ വിജയം. ജര്‍മനിയിലെ രണ്ടാംനിര ടീമായ ബോക്കമിനെതിരേ ജയത്തിനുവേണ്ടി ബയേണിനു കഠിനാധ്വാനം ചെയ്യേണ്ടിവന്നു.