ലീഗ് അംഗങ്ങളുടെ പിന്തുണയോടെ ഒഞ്ചിയം ആര്‍.എം.പി. പിടിച്ചു

ഒഞ്ചിയം : രണ്ട് മുസ്ലിംലീഗ് അംഗങ്ങളുടെ പിന്തുണയോടെ ടി.പി.ചന്ദ്രശേഖരന്റെ നാടായ ഒഞ്ചിയം ഗ്രാമപഞ്ചായത്തില്‍ ആര്‍.എം.പി. ഭരണത്തിലേക്ക്. ഏഴിനെതിരെ എട്ടു വോട്ട് നേടി ആര്‍ എം പിയുടെ എ.പി.കവിത പ്രസിഡന്റ് സ്ഥാനത്തേക്ക് തിരഞ്ഞെടുക്കപ്പെട്ടു.

[caption id="attachment_21524" align="alignleft" width="250"] എ.പി.കവിത[/caption]

പഞ്ചായത്തില്‍ ആര്‍ക്കും ഭൂരിപക്ഷമില്ലായിരുന്നുവെങ്കിലും കൂടുതല്‍ സീറ്റ് ലഭിച്ചത് എല്‍ഡിഎഫിനായിരുന്നു.  ആറു സീറ്റ് നേടിയ ആര്‍.എം.പി. യുഡിഎഫ് പിന്തുണ വേണ്ടെന്നു വച്ചുവെങ്കിലും രണ്ട് മുസ്ലിംലീഗ് അംഗങ്ങളുടെ പിന്തുണയോടെ ഭരണം പിടിച്ചെടുക്കുകയായിരുന്നു. വോട്ടെടുപ്പില്‍ നിന്ന് കോണ്‍ഗ്രസും ജെഡിയുവും വിട്ടുനിന്നിരുന്നതോടെ കാര്യങ്ങള്‍ അനുകൂലമായിത്തീര്‍ന്നു.