റവന്യൂ ജില്ലാ കലോല്‍സവം: ലോഗോ പ്രകാശനം ചെയ്തു

കാസര്‍കോട്: ജനുവരി നാല് മുതല്‍ കാസര്‍കോട് ഗവ. ഹയര്‍ സെക്കന്‍ഡറി സ്‌കൂളില്‍ നടക്കുന്ന റവന്യൂ ജില്ലാ കലോല്‍സവത്തിന്റെ ലോഗോ പ്രകാശനം ചെയ്തു. കലക്ടറേറ്റില്‍ നടന്ന ചടങ്ങില്‍ ജില്ലാകലക്ടര്‍ പി എസ് മുഹമ്മദ് സഗീര്‍ വിദ്യാഭ്യാസ ഉപഡയറക്ടര്‍ പി വി രാമചന്ദ്രന് നല്‍കിയാണ് ലോഗോ പ്രകാശനം നിര്‍വഹിച്ചത്. കാസര്‍കോട് ഡിഇഒ ഇ വേണുഗോപാലന്‍, കലോല്‍സവപബ്ലിസിറ്റി കണ്‍വീനര്‍ കെ എസ് നാരായണന്‍ നമ്പൂതിരി, വൈസ് ചെയര്‍മാന്‍ പി നാരായണന്‍, ലോഗോ രൂപകല്‍പന ചെയ്ത ബോവിക്കാനം ബിഎആര്‍എച്ച്എസ് സ്‌കൂള്‍ ചിത്രകലാ അധ്യാപകന്‍ രവി പിലിക്കോട്, ജില്ലാ ഇന്‍ഫര്‍മേഷന്‍ ഓഫിസര്‍ ഇന്‍ ചാര്‍ജ്ജ് എം മധുസൂദനന്‍ സംബന്ധിച്ചു. മുത്തുക്കുടയ്ക്ക് കീഴില്‍ കഥകളി, യക്ഷഗാനം എന്നീ കലാരൂപങ്ങളും പെരുമ്പറ, വീണ, കൊമ്പ് എന്നിവയോടൊപ്പം ബേക്കല്‍ കോട്ടയും ആലേഖനം ചെയ്താണ് ലോഗോ തയ്യാറാക്കിയിരിക്കുന്നത്.