രമേശ് ചെന്നിത്തല പ്രതിപക്ഷനേതാവ്

തിരുവന്തപുരം: രമേശ് ചെന്നിത്തലയെ പ്രതിപക്ഷ നേതാവാക്കാന്‍ യുഡിഎഫ് നേതാക്കള്‍ക്കിടയില്‍ ധാരണ. ഉമ്മന്‍ചാണ്ടി യുഡിഎഫ് ചെയര്‍മാനാവും.പ്രതിപക്ഷ നേതാവ് തന്നെ യുഡിഎഫ് ചെയര്‍മാന്‍ ആകുന്നതായിരുന്നു പതിവ്. എന്നാല്‍ കോണ്‍ഗ്രസ്സില്‍ യാതൊരു വിധത്തിലുമുള്ള തര്‍ക്കങ്ങളുമുണ്ടാകരുതെന്ന അഭിപ്രായത്തെതുടര്‍ന്നാണ് തീരുമാനം.ഔദ്യോഗിക പ്രഖ്യാപനം ഞായറാഴ്ചയുണ്ടാകും. വിജയിച്ച എംഎല്‍എമാരില്‍ ഭൂരിപക്ഷവും ഐ ഗ്രൂപ്പിലുള്ളവരാണ്. ഇതാണ്  രമേശ് ചെന്നിത്തലയ്ക്ക് സാധ്യത വര്‍ദ്ധിപ്പിച്ചത്. പ്രതിപക്ഷനേതാവാകാന്‍ ഇല്ലെന്ന് മുന്‍മുഖ്യമന്ത്രി ഉമ്മന്‍ചാണ്ടി നേരത്തെ വ്യക്തമാക്കിയിരുന്നു.