യുഎസില്‍ ഗായിക വെടിയേറ്റു മരിച്ചു

വാഷിങ്ടണ്‍: യുഎസിലെ ഫ്‌ളോറിഡയില്‍ ഗായിക ക്രിസ്റ്റീന ഗ്രിമ്മി വെടിയേറ്റു മരിച്ചു. യുഎസ് ടെലിവിഷന്‍ പ്രോഗ്രാമായ ദ വോയ്‌സിലൂടെ പ്രേക്ഷകശ്രദ്ധ നേടിയ ക്രിസ്റ്റീനയ്ക്ക് ഒര്‍ലാന്തോയില്‍ ഒരു പരിപാടിയില്‍ പാടിക്കൊണ്ടിരിക്കെയാണു വെടിയേറ്റത്. തോക്കുധാരിയെ ക്രിസ്റ്റീനയുടെ സഹോദരന്‍ പിടികൂടിയെങ്കിലും അയാള്‍ സ്വയം വെടിവച്ചു മരിച്ചു. പോലിസ് അന്വേഷണമാരംഭിച്ചിട്ടുണ്ട്. അടുത്ത നഗരത്തില്‍ നിന്നും കൊല നടത്താനായി ഇയാള്‍ ഇവിടെയെത്തുകയായിരുന്നെന്ന് പോലീസ് പറഞ്ഞു.