മുഹമ്മദ് അലിയുടെ പേരില്‍ ന്യൂയോര്‍ക്കില്‍ തെരുവ്

ന്യൂയോര്‍ക്ക്: ബോക്‌സിങ് ഇതിഹാസം മുഹമ്മദ് അലിക്ക് ആദരസൂചകമായി ന്യൂയോര്‍ക്കിലെ തെരുവ് പുനര്‍നാമകരണം ചെയ്തു. മാഡിസണ്‍ ചത്വരത്തിനു സമീപമുള്ള 33ാം തെരുവിന് മുഹമ്മദ് അലിയുടെ പേര് നല്‍കുന്നതായി ന്യൂയോര്‍ക്ക് മേയര്‍ ബില്‍ ഡെ ബ്ലാസിയോ അറിയിച്ചു.
മുഹമ്മദ് അലി ഒരു ചാംപ്യനായിരുന്നുവെന്നും നഗരഹൃദയം തന്നെ അദ്ദേഹത്തിന് ആദരാഞ്ജലി അര്‍പ്പിക്കാന്‍ തിരഞ്ഞെടുക്കുന്നതായും ബ്ലാസിയോ പറഞ്ഞു. മുഹമ്മദ് അലിയുടെ നിരവധി ബോക്‌സിങ് പോരാട്ടങ്ങള്‍ക്ക് മാഡിസണ്‍ ചത്വരം വേദിയായിരുന്നു. 1971ലെ ജോ ഫ്രേസിയറുമായുള്ള നൂറ്റാണ്ടിന്റെ പോരാട്ടവും ഇതിലുള്‍പ്പെടുന്നു.