മുക്കം മാര്‍ക്കറ്റ് ചീഞ്ഞു നാറുന്നു; ശുചീകരണം നടത്താതെ മുനിസിപ്പാലിറ്റി

മുക്കം: ഇഎംഎസ് ഓഡിറ്റോറിയം റോഡിലെ മുക്കം മാര്‍ക്കറ്റിലേക്ക് മൂക്ക് പൊത്തി വേണം വരാന്‍. ചിക്കന്‍, മട്ടന്‍, ബീഫ്, സ്റ്റാളുകള്‍ക്കു അകത്തും പുറത്തും മാംസാവശിഷ്ടങ്ങള്‍ കെട്ടികിടക്കുന്നു.
വെയിസ്റ്റ് കൊണ്ടു പോകുന്ന രക്തക്കറയടങ്ങിയ ചാക്കുകള്‍ കടക്ക് പുറത്ത് ഉണക്കാനിടുന്നതും ദുര്‍ഗന്ധം വര്‍ധിപ്പിക്കുന്നു.
മാലിന്യ-ദുര്‍ഗന്ധ പ്രശ്‌നം പരിഹരിക്കാന്‍ മല്‍സ്യമാര്‍ക്കറ്റ് ഇവിടെ നിന്നു മാറ്റിയെങ്കിലും ദുര്‍ഗന്ധത്തില്‍ വലിയ കുറവുണ്ടായിട്ടില്ല. യാതൊരു ശുചീകരണവും നടത്താതെ മുന്‍സിപ്പാലിറ്റി അധികൃതരും അനാസ്ഥ കാണിക്കുന്നതായി കടക്കാര്‍ പറയുന്നു. ആരോഗ്യവകുപ്പാവട്ടെ മാര്‍ക്കറ്റിലേക്ക് തിരിഞ്ഞു പോലും നോക്കുന്നില്ലെന്നു നാട്ടുകാര്‍ പറയുന്നു.