മന്‍മോഹന്‍സിങിനെ വിസര്‍ജ്യത്തോടുപമിച്ച് ബിജെപി മന്ത്രി

ജയ്പൂര്‍: മുന്‍ പ്രധാനമന്ത്രി മന്‍മോഹന്‍ സിങിനെതിരെ അസഭ്യപ്രയോഗം നടത്തിയ രാജസ്ഥാന്‍ ആഭ്യന്തരമന്ത്രി ഗുലാബ് ചന്ദ് കഠാരിയ വിവാദത്തില്‍.രാജസ്ഥാനിലെ ചുരുവില്‍ നടന്ന ബിജെപി യോഗത്തിലാണ് ബിജെപി മന്ത്രി പ്രധാന മന്ത്രി നരേന്ദ്ര മോദിയെ പ്രകീര്‍ത്തിച്ചും മന്‍മോഹന്‍സിങിനെ അധിക്ഷേപിച്ചുമുള്ള പ്രസംഗം നടത്തിയത്.
മന്‍മോഹന്‍സിങ് അമേരിക്കയിലെത്തിയപ്പോള്‍ ആ ഷിറ്റിനെ സ്വീകരിക്കാന്‍ ഏതൊക്കെ മന്ത്രിമാരായിരുന്നു എത്തിയത്. മോദി അമേരിക്ക സന്ദര്‍ശിച്ചപ്പോള്‍ സാക്ഷാല്‍ ഒബാമ തന്നെ അദ്ദേഹത്തെ സ്വീകരിക്കാനെത്തി എന്നായിരുന്നു ബിജെപി മന്ത്രി ഗുലാബ് ചന്ദിന്റെ വിവാദ പരാമര്‍ശം.പ്രതിപക്ഷം സംഭവത്തെ വിവാദമാക്കിയതോടെ മന്ത്രി ക്ഷമ ചോദിച്ചു.