ബീഹാറിലെ പാഠം; ബംഗാള്‍ തിരഞ്ഞെടുപ്പില്‍ മോഡിയില്ലാതെ പ്രചാരണത്തിന് ബിജെപി

കൊല്‍ക്കത്ത: ബീഹാറിലെ തിരഞ്ഞെടുപ്പ് തോല്‍വിയില്‍ നിന്നും പാഠം ഉള്‍ക്കൊണ്ട ബിജെപി മോഡിയില്ലാതെ പശ്ചിമ ബംഗാള്‍ തിരഞ്ഞെടുപ്പ് നേരിടും. എല്ലാ തിരഞ്ഞെടുപ്പുകളിലും മോഡി ഷോ നടത്തുന്ന ബിജെപി ഇത്തവണ കളം മാറ്റിപ്പിടിക്കാനാണ് തീരുമാനിച്ചിരിക്കുന്നത്. വരാനിരിക്കുന്ന തിരഞ്ഞെടുപ്പില്‍ പ്രചാരണത്തിന്റെ അവസാന ഘട്ടത്തില്‍ മോഡിയെ ഇറക്കാനാണ് പാര്‍ട്ടി തീരുമാനം.
മോഡിയെ മുന്‍ നിര്‍ത്തി പ്രചരണത്തിനിറങ്ങുന്ന രീതി മാറ്റി സംസ്ഥാന നേതാക്കളെയും മറ്റ് കേന്ദ്ര മന്ത്രിമാരെയും പ്രചാരണത്തിനിറക്കാന്‍ പാര്‍ട്ടി തീരുമാനം. സംസ്ഥാനത്തെ 294 സീറ്റുകളില്‍ പാര്‍ട്ടി മല്‍സരിക്കും.