ബിജെപിയെ തോല്‍പ്പിക്കാന്‍ ഇടത് വലത് മുന്നണികള്‍ വോട്ട് മറിച്ചെന്ന് കുമ്മനം രാജശേഖരന്‍

തിരുവനന്തപുരം ജില്ലയിലെ നേമം, വട്ടിയൂര്‍ക്കാവ് മണ്ഡലങ്ങളില്‍ യുഡിഎഫും എല്‍ഡിഎഫും കൂടി ബിജെപിയെ തോല്‍പ്പിക്കാന്‍ വോട്ട് മറിച്ചെന്ന് പാര്‍ട്ടി അധ്യക്ഷന്‍ കുമ്മനം രാജശേഖരന്‍.
[related]ബിജെപിയെ തോല്‍പ്പിക്കാന്‍ ഇരുമുന്നണികളും ഒത്തുകളിക്കുകയായിരുന്നുവെന്ന് കുമ്മനം ആരോപിച്ചു. നേമത്ത് തന്നെ പരാജയപ്പെടുത്താന്‍ യുഡിഎഫും എല്‍ഡിഎഫും വോട്ട് മറിച്ചെന്ന് ബിജെപി സ്ഥാനാര്‍ഥി ഒ രാജഗോപാല്‍ പറഞ്ഞു.
എന്നാലും താന്‍ 8000 വോട്ടിന് ജയിക്കുമെന്നും അദ്ദേഹം അവകാശപ്പെട്ടു. മണ്ഡലത്തിലെ കോണ്‍ഗ്രസ്സുകാരെ ബൂത്തുകളില്‍ കണ്ടില്ലെന്നും രാജഗോപാല്‍ ആരോപിച്ചു.
അതേസമയം, അഴീക്കോട് മണ്ഡലത്തിലെ മുസ്ലിം ലീഗ് സ്ഥാനാര്‍ഥി കെഎം ഷാജിക്ക് വേണ്ടി ബിജെപിയും ആര്‍എസ്എസ്സും വോട്ട് മറിച്ചുവെന്ന് ഇടതുപക്ഷവും ആരോപിച്ചു.