ബിജെപിക്ക് കനത്ത പ്രഹരം നല്‍കണം: കെ എം അഷ്‌റഫ്

കോഴിക്കോട്: കേന്ദ്ര ബജറ്റില്‍ കേരളത്തെ അപമാനിച്ച ബിജെപിക്ക് നിയമസഭാ തിരഞ്ഞെുപ്പില്‍ കനത്ത പ്രഹരം നല്‍കണമെന്ന് എസ്ഡിപിഐ സംസ്ഥാന പ്രസിഡന്റ് അഡ്വ. കെ എം അഷ്‌റഫ്.
കേരളത്തിലെ റബര്‍ കര്‍ഷകര്‍ ഭീമമായ പ്രതിസന്ധികളില്‍കൂടി കടന്നുപോവുമ്പോള്‍ നിരവധി കര്‍ഷക സംഘടനകളും രാഷ്ട്രീയ പാര്‍ട്ടികളും നിരന്തരം ആവശ്യപ്പെട്ടിട്ടും റബര്‍ കര്‍ഷകരെ അവഗണിച്ചത് അപമാനകരമാണ്. റെയില്‍വേ ബജറ്റിലും കേന്ദ്ര ബജറ്റിലും കേരളത്തിന് ഒന്നും നേടിക്കൊടുക്കാന്‍ ശ്രമിക്കാത്ത കേരളത്തിലെ ബിജെപി നേതാക്കള്‍ കേരള വികസനവും കേരള വിമോചനവും പറയുന്നത് ശുദ്ധ തട്ടിപ്പാണ്. ബജറ്റുകളില്‍ സംഖ്യ വിലയിരുത്തുകയല്ലാതെ കഴിഞ്ഞ കാല ബജറ്റുകളില്‍ പ്രഖ്യാപിച്ച പദ്ധതികള്‍ എത്രയെണ്ണം നടന്നുവെന്നും എത്ര സംഖ്യ ചിലവഴിച്ചുവെന്നും പരിശോധിക്കപ്പെടേണ്ടതാണെന്നും അദ്ദേഹം വാര്‍ത്താകുറിപ്പിലുടെ പറഞ്ഞു.