ബംഗാള്‍ സഖ്യം തെറ്റായിരുന്നെന്ന് കോണ്‍ഗ്രസും സിപിഎമ്മും തിരിച്ചറിയുമെന്ന് മമത

കൊല്‍ക്കത്ത: പശ്ചിമബംഗാളിലെ സിപിഎം-കോണ്‍ഗ്രസ് സഖ്യം തെറ്റായിരുന്നുവെന്ന് ഇരുകക്ഷികള്‍ക്കും ബോധ്യംവരുമെന്നു പശ്ചിമബംഗാള്‍ മുഖ്യമനത്രി മമതാ ബാനര്‍ജി. ആരംബാഗില്‍ തിരഞ്ഞെടുപ്പ് റാലിയില്‍ പ്രസംഗിക്കുകയായിരുന്നു അവര്‍.
സംസ്ഥാനത്ത് ഇതിനകം തിരഞ്ഞെടുപ്പ് നടന്ന സീറ്റുകളുടെ ഫലമറിയുമ്പോള്‍ കോണ്‍ഗ്രസ്, സിപിഎം, ബിജെപി കക്ഷികള്‍, തൃണമൂല്‍ കോണ്‍ഗ്രസിന്റെ അടുത്തൊന്നുമെത്തില്ല. ഇനി നടക്കാന്‍ പോവുന്ന വോട്ടെടുപ്പുകളില്‍ വട്ടപ്പൂജ്യമായിരിക്കും അവര്‍ക്കു ലഭിക്കുക. തൃണമൂല്‍ കോണ്‍ഗ്രസ് സുതാര്യത നിലനിര്‍ത്തുന്ന ജനകീയ പാര്‍ട്ടിയാണെന്നും മമത പറഞ്ഞു. [related]