ഫസല്‍വധം; കാരായി സഹോദരന്മാര്‍ക്ക് കണ്ണൂരില്‍ പ്രവേശിക്കാന്‍ അനുമതി

കൊച്ചി: ഫസല്‍ വധക്കേസില്‍ പ്രതികളായ കാരായി രാജനും കാരായി ചന്ദ്രശേഖരനും എറണാകുളം വിടാന്‍ അനുമതി. തിരഞ്ഞെടുപ്പ് പ്രചാരണ പ്രവര്‍ത്തനങ്ങള്‍ക്കായി കണ്ണൂരില്‍ പോകാനാണ് കോടതി അനുമതി നല്‍കിയിരിക്കുന്നത്.

കണ്ണൂരില്‍ പ്രവേശിക്കരുതെന്ന ഉപാധിയോടെയായിരുന്നു നേരത്തെ കോടതി ഇരുവര്‍ക്കും ജാമ്യം നല്‍കിയിരുന്നത്. ഈ വ്യവസ്ഥയാണ് ഇളവ് ചെയ്തത്. പോകുന്നതിന് മുമ്പായി രണ്ടുപേരും സത്യവാങ്മൂലം കോടതിയില്‍ സമര്‍പ്പിക്കണം. കണ്ണൂരില്‍ സന്ദര്‍ശിക്കുന്ന സ്ഥലങ്ങളേതെന്നും കോടതിയെ അറിയിക്കണമെന്നും നിര്‍ദേശമുണ്ട്.കാരായി രാജന്‍ സിപിഎമ്മിന്റെ കണ്ണൂര്‍ ജില്ലാ പഞ്ചായത്ത് സ്ഥാനാര്‍ത്ഥിയും ചന്ദ്രശേഖരന്‍ തലശേരി നഗരസഭാ സ്ഥാനാര്‍ത്ഥിയുമാണ്.