പ്രസാദം കഴിച്ച് ഗുജറാത്തില്‍ നാലുപേര്‍ മരിച്ചു; 12 പേരുടെ നില ഗുരുതരം

അഹമ്മദാബാദ്: ശിവരാത്രി ആഘോഷത്തോടനുബന്ധിച്ച് ക്ഷേത്രത്തില്‍ നിന്നും പ്രസാദമായി നല്‍കിയ പാനീയം കഴിച്ച് ഗുജറാത്തില്‍ നാലുപേര്‍ മരിച്ചു. ശാരീരിക അസ്വസ്ഥതകളെ തുടര്‍ന്ന് 250 പേരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഇതില്‍ 12 പേരുടെ നില ഗുരുതരമാണ്. മൂന്നു പേര്‍ കഴിഞ്ഞ ദിവസവും ഒരാള്‍ ഇന്നു രാവിലെയുമാണ് മരിച്ചത്. മൊഹ്‌സാനാ ജില്ലയിലെ ബുദാസാന്‍, കരണ്‍പൂര്‍ വില്ലേജുകളിലാണ് ദുരന്തമുണ്ടായത്. ഭാഗ് എന്ന പാനീയമാണ് ഭക്തര്‍ കഴിച്ചത്. ഒരു തരം കഞ്ചാവുകൊണ്ട് തയ്യാറാക്കുന്ന പാനീയമാണ് ഭാഗ്.