അപമര്യാദയായി പെരുമാറിയെന്ന് പ്രവര്‍ത്തകയുടെ പരാതി, മുംബൈ യുവമോര്‍ച്ച അധ്യക്ഷന്‍ രാജിവച്ചു

മുംബൈ:  നിര്‍വാഹകസമിതി യോഗത്തിനെത്തിയ പ്രവര്‍ത്തകയോട് മോശമായി പെരുമാറിയെന്ന പരാതിയെത്തുടര്‍ന്ന് ഭാരതീയ ജനതാ യുവമോര്‍ച്ച മുംബൈ ഘടകം അധ്യക്ഷന്‍ ഗണേഷ് പാണ്ഡെ രാജിവച്ചു. മഥുരയില്‍ നടന്ന മൂന്ന് ദിവസം നീണ്ട യുവമോര്‍ച്ച നിര്‍വാഹകസമിതി യോഗത്തിനെത്തിയപ്പോള്‍ തന്നെ പാണ്ഡെമുറിയിലേക്ക് വിളിച്ച് അശ്ലീലച്ചുവയുള്ള ചോദ്യങ്ങള്‍ ചോദിച്ചെന്നും മോശമായി സംസാരിച്ചുവെന്നും കൈയില്‍ കയറി പിടിച്ചുവെന്നും യുവതി ബിജെപി സിറ്റി ഘടകം അധ്യക്ഷന്‍ ആശിഷ് ഷെലാറിന് പരാതി നല്‍കുകയായിരുന്നു. ആരോപണം പാണ്ഡെ നിഷേധിച്ചുവെങ്കിലും ഇയാള്‍ക്കെതിരേ നടപടിയെടുത്തെന്നും അദ്ദേഹം സംഘടനയുടെ അധ്യക്ഷപദവി രാജിവച്ചെന്നും ആശിഷ് ഷെലാര്‍ പറഞ്ഞു.

[related]