നേപ്പാള്‍ തടവിലാക്കിയ ജവാന്മാരെ വിട്ടയച്ചു

കാഠ്മണ്ഡു/ന്യൂഡല്‍ഹി: ഡീസല്‍ കള്ളക്കടത്തുകാരെ പിന്തുടര്‍ന്ന് അറിയാതെ അതിര്‍ത്തിക്കപ്പുറമെത്തിയ 13 സശസ്ത്ര സീമാബല്‍ (എസ്എസ്ബി) ജവാന്മാരെ നേപ്പാള്‍ പിടികൂടി. അഞ്ചു മണിക്കൂറിനു ശേഷം ഇവരെ വിട്ടയച്ചു.
ഞായറാഴ്ച രാവിലെയാണ് എസ്എസ്ബി ജവാന്മാര്‍ കള്ളക്കടത്തുകാരെ പിന്തുടര്‍ന്ന് അംബാരി-കെസ്‌ന അതിര്‍ത്തി കടന്ന് നേപ്പാളിലെത്തിയത്. ഈ സമയം അതിര്‍ത്തിയില്‍ കാവലിലുണ്ടായിരുന്ന നേപ്പാളിന്റെ സായുധ പോലിസ് സേന(എപിഎഫ്)യാണ് ഇന്ത്യന്‍ ജവാന്മാരെ പിടികൂടി അവരുടെ ക്യാംപില്‍ തടവിലാക്കിയത്.
ഇന്ത്യന്‍ ജവാന്മാരില്‍ നാലുപേരുടെ പക്കല്‍ ആധുനിക തോക്കുകളുണ്ടായിരുന്നു. പിന്നീട് ഇരുപക്ഷത്തുമുള്ള ഉന്നത സൈനിക ഉദ്യോഗസ്ഥര്‍ തമ്മില്‍ ബന്ധപ്പെട്ടതിനെ തുടര്‍ന്ന് സൈനികരെ മോചിപ്പിച്ചു.