ദേശീയ ജൂനിയര്‍ ത്രോബോള്‍ ചാംപ്യന്‍ഷിപ്പ്; കേരളാ വനിതാ ടീമിന് തോല്‍വി

കൊച്ചി: ആലുവ മാറമ്പിള്ളി എം.ഇ.എസ്. കോളജില്‍ നടന്ന 26-ാമത് ദേശീയ ജൂനിയര്‍ ത്രോബോള്‍ ചാംപ്യന്‍ഷിപ്പില്‍ കേരളത്തിന്റെ വനിത ടീം ഫൈനലില്‍ പൊരുതി തോറ്റു. നിലവിലെ ചാംപ്യന്‍മാരായ തമിഴ്‌നാട് കേരളത്തെ ഏകപക്ഷീയമായ സെറ്റുകള്‍ക്ക് തോല്‍പ്പിച്ച് കിരീടം നിലനിര്‍ത്തുകയായിരുന്നു.

സ്‌കോര്‍: 15-13, 15-12. രാവിലെ നടന്ന സെമിയില്‍ തെലുങ്കാനയെ തോല്‍പ്പിച്ചാണ് കേരളം ഫൈനലില്‍ കടന്നത്. പുരുഷ വിഭാഗത്തില്‍ കഴിഞ്ഞ വര്‍ഷത്തെ ജേതാക്കളായ ഡല്‍ഹിയെ അട്ടിമറിച്ച് മധ്യപ്രദേശ് കിരീടം നേടി. സ്‌കോര്‍: 15-11, 13-15, 15-7.

ഈ വിഭാഗത്തില്‍ 15-13, 15-7 സ്‌കോറിന് കര്‍ണാടകയെ  തോല്‍പ്പിച്ച് കേരളം മൂന്നാം സ്ഥാനം നേടി.  ത്രോബോള്‍ ഫെഡറേഷന്‍ ഇന്ത്യ ചെയര്‍മാന്‍ കമല്‍ ഗോസ്വാമി, സെക്രട്ടറി ബല്ലാള്‍, ഓര്‍ഗനൈസിങ് കമ്മിറ്റി ചെയര്‍മാന്‍ സക്കീര്‍ ഹുസൈന്‍, കേരള ത്രോബോള്‍ അസോസിയേഷന്‍ പ്രസിഡന്റ് ഇബ്രാഹിംകുട്ടി, മാറമ്പിള്ളി എം.ഇ.എസ്. കോളജ് പ്രിന്‍സിപ്പല്‍ ഡോ. എ ബിജു എന്നിവര്‍ ചേര്‍ന്ന് വിജയികള്‍ക്ക് ട്രോഫികള്‍ സമ്മാനിച്ചു.