തടവുകാരുടെ വേതനം പുതുക്കി നിശ്ചയിച്ചു

തിരുവനന്തപുരം: സംസ്ഥാനത്തെ ജയിലുകളില്‍ വിവിധ തൊഴിലുകളില്‍ ഏര്‍പ്പെടുന്ന തടവുകാരുടെ വേതനം സര്‍ക്കാര്‍ പരിഷ്‌കരിച്ചു. അടച്ചിട്ട ജയിലില്‍ തൊഴിലെടുക്കുന്നവര്‍ക്ക് വേതനം 110 രൂപയില്‍ നിന്ന് 146 രൂപയാക്കി. തുറന്ന ജയിലുകളിലെ തൊഴിലാളികള്‍ക്ക് 148 രൂപയില്‍ നിന്ന് 200 രൂപയായും വേതനമുയര്‍ത്തി. അടച്ചിട്ട ജയിലിലെ സ്‌കില്‍ഡ് തടവുകാരുടെ അടിസ്ഥാന വേതനം 132 രൂപയും അപ്രന്റിസ്ഷിപ്പിലെ വേതനം 55 രൂപയും ആയിരിക്കും.