ഡിസംബറിലെ ഇന്ത്യാ-പാക് പരമ്പരയ്ക്ക് ശ്രീലങ്ക വേദിയാവും

മുംബൈ; ഡിസംബര്‍ 15 മുതല്‍ 31 വരെ നടക്കുന്ന ഇന്ത്യാ-പാക് പരമ്പരയ്ക്ക് ശ്രീലങ്ക വേദിയാവും. ശ്രീലങ്കയിലെ കൊളംബോയും കാന്‍ഡിയുമാണ് വേദികള്‍. കഴിഞ്ഞ ദിവസം ബി.സി.സി.ഐ പ്രസിഡന്റ് ശശാങ്ക് മനോഹറും പി.സി.ബി പ്രസിഡന്റ് ഷഹരിയാര്‍ ഖാനും ദുബായില്‍ നടത്തിയ ചര്‍ച്ചയിലാണ് വേദികള്‍ സംബന്ധിച്ച തീരുമാനമുണ്ടായത്.
മൂന്നു ഏകദിനങ്ങളും രണ്ടു ട്വന്റി-20 മല്‍സരങ്ങളുമടങ്ങിയതാണ് പരമ്പര.ഇന്ത്യയില്‍  കളിക്കാന്‍ പാകിസ്താനെ ബി.സി.സി.ഐ ക്ഷണിച്ചെങ്കിലും പി.സി.ബി ക്ഷണം നിരസിക്കുകയായിരുന്നു. ഡിസംബറില്‍ യു.എ.ഇയില്‍ ഇന്ത്യ-പാകിസ്താനെതിരേ കളിക്കുന്നുണ്ട്.