ട്രെയിനില്‍ കയറുന്നതിനിടെ പരിക്കേറ്റ യുവതി മരിച്ചു

കൊല്ലം: കൊല്ലം റെയില്‍വേ സ്‌റ്റേഷനില്‍ ട്രെയിനില്‍ കയറുന്നതിനിടയില്‍ അപകടത്തില്‍പ്പെട്ട യുവതി മരിച്ചു. കൊല്ലം പളളിമുക്ക് സ്വദേശി മെര്‍ഹബാനാണ് മരിച്ചത്. ട്രെയിനിന്റെ അടിയില്‍പ്പെട്ട് യുവതിയുടെ കൈയും കാലും അറ്റിരുന്നു.

രാവിലെ എട്ട്മണിയോടെയായിരുന്നു അപകടം. നീങ്ങിത്തുടങ്ങിയ ട്രെയിനില്‍ കയറാനുള്ള ശ്രമത്തിനിടെയാണ് കാല്‍വഴുതി ഇവര്‍ ട്രാക്കിലേക്ക് വീണത്. കൊല്ലത്തെ സ്വകാര്യ ആശുപത്രിയില്‍ പ്രവേശിപ്പിച്ച ഇവരെ പിന്നീട് തിരുവനന്തപുരം മെഡിക്കല്‍ കോളജിലേക്ക് മാറ്റിയിരുന്നു. ഇവിടെ നിന്നാണ് അന്ത്യം.