ജാട്ട് പ്രക്ഷോഭത്തിനിടെ ബലാല്‍സംഗം; അന്വേഷണ സംഘം സ്ഥലം സന്ദര്‍ശിച്ചു

സോനിപത്: ജാട്ട് പ്രക്ഷോഭത്തിനിടെ സ്ത്രീകള്‍ ബലാല്‍സംഗംചെയ്യപ്പെട്ട സംഭവം അന്വേഷിക്കാന്‍ രൂപീകരിച്ച പ്രത്യേക വനിതാ അന്വേഷണസംഘം സംഭവസ്ഥലം സന്ദര്‍ശിച്ചു. ഡിഐജി ഡോ. രാജശ്രീ സിങ്, ഡിഎസ്പിമാരായ ഭാരതി ദബാസ്, സുരിന്ദ്രര്‍ കൗര്‍ എന്നിവരാണ് സോനിപതിനു സമീപത്തെ മുര്‍ത്താന്‍ സന്ദര്‍ശിച്ചത്.ഡല്‍ഹി-അംബാല ദേശീയപാതയ്ക്കു സമീപത്തു നിന്നു കണ്ടെത്തിയ സ്ത്രീകളുടെ വസ്ത്രങ്ങള്‍ ഫോറന്‍സിക് പരിശോധനയ്ക്ക് അയച്ചിട്ടുണ്ടെന്നും ഫലത്തിനായി കാത്തിരിക്കുകയാണെന്നും ഡിഐജി അറിയിച്ചു.സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവര്‍ പോലീസിനെ അറിയിക്കണമെന്നും അവര്‍ ആവശ്യപ്പെട്ടു.
ജാട്ട് പ്രക്ഷോഭത്തിനിടെയുണ്ടായ അക്രമത്തില്‍ പ്രതിഷേധിച്ച് കുരുക്ഷേത്രയിലെ വ്യാപാരികള്‍ ശനിയാഴ്ച ബന്ദ് ആചരിച്ചു.