കെഎസ്‌യു സെക്രട്ടറിയേറ്റ് മാര്‍ച്ചില്‍ സംഘര്‍ഷം

തിരുവന്തപുരം: എസ്എഫ്‌ഐയുടെ ആക്രമണത്തിനെതിരെ കെഎസ്‌യു സെക്രട്ടേറിയേറ്റിലേയ്ക്ക് നടത്തിയ മാര്‍ച്ചില്‍ സംഘര്‍ഷം. സംസ്ഥാന അധ്യക്ഷന്‍ വിഎസ് ജോയിയുടെ നേതൃത്വത്തിലെത്തിയ പ്രവര്‍ത്തര്‍ സെക്രട്ടറിയേറ്റിന്റെ നോര്‍ത്ത് ഗേറ്റ് ചാടിക്കടക്കാന്‍ ശ്രമിച്ചതോടെ പോലീസ് ജലപീരങ്കി പ്രയോഗിച്ചു.
കഴിഞ്ഞ ദിവസം എസ്എഫ്‌ഐ പ്രവര്‍ത്തകര്‍ കേരള യൂണിവേഴ്‌സിറ്റിയില്‍ കെഎസ് യു പ്രവര്‍ത്തകരെ മര്‍ദ്ദിച്ചതില്‍ പ്രതിഷേധിച്ചാണ് മാര്‍ച്ച് നടത്തിയത്. എംഎല്‍എ ഹോസ്റ്റലിന് മുമ്പില്‍ നിന്ന് ആരംഭിച്ച മാര്‍ച്ച് സെക്രട്ടറിയേറ്റിന് മുന്നില്‍ ബാരിക്കേഡ് ഉപയോഗിച്ച് പോലീസ് തടഞ്ഞു. കെഎസ് യു പ്രവര്‍ത്തകര്‍ ബാരിക്കേഡ് മറികടന്ന് സെക്രട്ടറിയേറ്റിനുള്ളില്‍ കടക്കാന്‍ ശ്രമിച്ചതോടെയാണ് സംഘര്‍ഷമുണ്ടായത്.