കാലിക്കറ്റിലെ അധ്യാപകര്‍ക്ക് ഉമ്മുല്‍ഖുറാ സര്‍വകലാശാലയില്‍ പരിശീലനം
16 April 2016 7:52 PM GMT
പി വി മുഹമ്മദ് ഇഖ്ബാല്‍
തേഞ്ഞിപ്പലം: മക്കയിലെ ഉമ്മുല്‍ഖുറാ സര്‍വകലാശാലയില്‍ സമ്മര്‍ ട്രെയിനിങ് പ്രോഗ്രാമുകള്‍ക്ക് കാലിക്കറ്റ് സര്‍വകലാശാലയില്‍നിന്നുള്ള അധ്യാപകരെ അയക്കുന്നതിന് ധാരണയായി.
കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ മുഹമ്മദ് ബഷീര്‍, രജിസ്ട്രാര്‍ ടി എ അബ്ദുല്‍മജീദ്, അറബിക് പഠനവിഭാഗം മേധാവി ഡോ. എ ബി മൊയ്തീന്‍കുട്ടി എന്നിവരുമായി ഉമ്മുല്‍ഖുറാ സര്‍വകലാശാല രജിസ്ട്രാര്‍ ഡോ. ഹസനുബ്‌നു അബ്ദുല്ല ഹമീദ് അല്‍ബുഹാറ വിസിയുടെ ചേംബറില്‍ ഇതു സംബന്ധിച്ച് ചര്‍ച്ച നടത്തി. അറബി മാതൃഭാഷയല്ലാത്ത രാജ്യങ്ങളിലുള്ളവര്‍ക്ക് അറബി പഠിപ്പിക്കുന്ന സ്ഥാപനത്തിന്റെ മേധാവിയും ഉമ്മുല്‍ഖുറാ സര്‍വകലാശാലയിലെ കര്‍മശാസ്ത്ര വിഭാഗത്തിലെ അസോഷ്യേറ്റ് പ്രഫസറും കൂടിയാണ് ഹമീദ് അല്‍ബുഹാറ. കാലിക്കറ്റ് വാഴ്‌സിറ്റി പഠനവിഭാഗം, അഫിലിയേറ്റഡ് കോളജുകള്‍ എന്നിവിടങ്ങളില്‍ നിന്നുള്ള ഇരുപത് അധ്യാപകര്‍ക്ക് ഓരോ ബാച്ചിലും പരിശീലനം നല്‍കും. ഇതിനാവശ്യമായ മുഴുവന്‍ ചെലവും ഉമ്മുല്‍ഖുറാ സര്‍വകലാശാലയാണ് വഹിക്കുക. കാലിക്കറ്റ് സര്‍വകലാശാല ആവശ്യപ്പെടുകയാണെങ്കില്‍ ഇങ്ങോട്ടുവന്ന് പരിശീലനം നല്‍കുന്നതിനും തയ്യാറാണെന്ന് ഹമീദ് അല്‍ബുഹാറ വ്യക്തമാക്കി. പരിശീലനം നല്‍കാനെത്തുന്നവര്‍ക്ക് താമസിക്കാന്‍ സ്ഥലസൗകര്യം മാത്രം കാലിക്കറ്റ് സര്‍വകലാശാല നല്‍കിയാല്‍ മതി. അടുത്ത സമ്മര്‍ പ്രോഗ്രാമിന് കാലിക്കറ്റില്‍ നിന്നുള്ള അധ്യാപകര്‍ക്ക് അവസരം നല്‍കുമെന്നും ഇതുസംബന്ധിച്ച രൂപരേഖ തയ്യാറാക്കി എംബസിക്കും ഉമ്മുല്‍ഖുറാ സര്‍വകലാശാല വൈസ് ചാന്‍സലര്‍ക്കും സമര്‍പ്പിക്കുമന്നും കാലിക്കറ്റ് വൈസ് ചാന്‍സലര്‍ പ്രതികരിച്ചു.
തേഞ്ഞിപ്പലം: മക്കയിലെ ഉമ്മുല്‍ഖുറാ സര്‍വകലാശാലയില്‍ സമ്മര്‍ ട്രെയിനിങ് പ്രോഗ്രാമുകള്‍ക്ക് കാലിക്കറ്റ് സര്‍വകലാശാലയില്‍നിന്നുള്ള അധ്യാപകരെ അയക്കുന്നതിന് ധാരണയായി.
കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ മുഹമ്മദ് ബഷീര്‍, രജിസ്ട്രാര്‍ ടി എ അബ്ദുല്‍മജീദ്, അറബിക് പഠനവിഭാഗം മേധാവി ഡോ. എ ബി മൊയ്തീന്‍കുട്ടി എന്നിവരുമായി ഉമ്മുല്‍ഖുറാ സര്‍വകലാശാല രജിസ്ട്രാര്‍ ഡോ. ഹസനുബ്‌നു അബ്ദുല്ല ഹമീദ് അല്‍ബുഹാറ വിസിയുടെ ചേംബറില്‍ ഇതു സംബന്ധിച്ച് ചര്‍ച്ച നടത്തി. അറബി മാതൃഭാഷയല്ലാത്ത രാജ്യങ്ങളിലുള്ളവര്‍ക്ക് അറബി പഠിപ്പിക്കുന്ന സ്ഥാപനത്തിന്റെ മേധാവിയും ഉമ്മുല്‍ഖുറാ സര്‍വകലാശാലയിലെ കര്‍മശാസ്ത്ര വിഭാഗത്തിലെ അസോഷ്യേറ്റ് പ്രഫസറും കൂടിയാണ് ഹമീദ് അല്‍ബുഹാറ. കാലിക്കറ്റ് വാഴ്‌സിറ്റി പഠനവിഭാഗം, അഫിലിയേറ്റഡ് കോളജുകള്‍ എന്നിവിടങ്ങളില്‍ നിന്നുള്ള ഇരുപത് അധ്യാപകര്‍ക്ക് ഓരോ ബാച്ചിലും പരിശീലനം നല്‍കും. ഇതിനാവശ്യമായ മുഴുവന്‍ ചെലവും ഉമ്മുല്‍ഖുറാ സര്‍വകലാശാലയാണ് വഹിക്കുക. കാലിക്കറ്റ് സര്‍വകലാശാല ആവശ്യപ്പെടുകയാണെങ്കില്‍ ഇങ്ങോട്ടുവന്ന് പരിശീലനം നല്‍കുന്നതിനും തയ്യാറാണെന്ന് ഹമീദ് അല്‍ബുഹാറ വ്യക്തമാക്കി. പരിശീലനം നല്‍കാനെത്തുന്നവര്‍ക്ക് താമസിക്കാന്‍ സ്ഥലസൗകര്യം മാത്രം കാലിക്കറ്റ് സര്‍വകലാശാല നല്‍കിയാല്‍ മതി. അടുത്ത സമ്മര്‍ പ്രോഗ്രാമിന് കാലിക്കറ്റില്‍ നിന്നുള്ള അധ്യാപകര്‍ക്ക് അവസരം നല്‍കുമെന്നും ഇതുസംബന്ധിച്ച രൂപരേഖ തയ്യാറാക്കി എംബസിക്കും ഉമ്മുല്‍ഖുറാ സര്‍വകലാശാല വൈസ് ചാന്‍സലര്‍ക്കും സമര്‍പ്പിക്കുമന്നും കാലിക്കറ്റ് വൈസ് ചാന്‍സലര്‍ പ്രതികരിച്ചു.
Next Story
വീടിന്റെ മൂന്നാംനിലയില്‍ നിന്നു വീണ് വിദ്യാര്‍ഥിനി മരിച്ചു
18 April 2024 1:25 AM GMTകല്‍പ്പറ്റയില്‍ സ്‌കൂട്ടര്‍ താഴ്ചയിലേക്ക് മറിഞ്ഞ് മെഡിക്കല്‍...
18 April 2024 1:15 AM GMTലബനാനില്‍ ഇസ്രായേല്‍ വ്യോമാക്രമണം; ഹിസ്ബുല്ല ആക്രമണത്തിന് മറുപടിയെന്ന്
17 April 2024 6:22 PM GMTതെലങ്കാനയില്‍ ക്രിസ്ത്യന്‍ സ്‌കൂളിനു നേരെ ഹിന്ദുത്വരുടെ ആക്രമണം; 'ജയ്...
17 April 2024 1:59 PM GMTകനത്ത മഴ; തിരുവനന്തപുരത്ത് നിന്നും യുഎഇയിലേക്കുളള നാല് വിമാനങ്ങള്‍...
17 April 2024 12:46 PM GMTബിജെപി എംപി കരാഡി സങ്കണ്ണ അമരപ്പ കോൺഗ്രസിൽ ചേർന്നു
17 April 2024 12:45 PM GMT
