കല്‍ബുര്‍ഗി കൊലപാതകം; പ്രധാന പ്രതിയെ വെടിയേറ്റ നിലയില്‍ കണ്ടെത്തി

ബംഗളുരു:കന്നട സാഹിത്യകാരന്‍ എം എം കല്‍ബുര്‍ഗി കൊലപാതകകേസിലെ പ്രധാന പ്രതിയെന്ന് സംശയിക്കുന്നയാളെ കൊല്ലപ്പെട്ട നിലയില്‍ കണ്ടെത്തി. തെക്കന്‍ കര്‍ണ്ണാടകത്തിലെ ഖാനാപൂര്‍ കാടുകളില്‍ നിന്ന് വെടിയേറ്റ നിലയിലാണ് ഇയാളെ കണ്ടെത്തിയത്.
കൊലപാതകവുമായി പോലിസ് പുറത്തുവിട്ട രേഖാചിത്രവുമായി ഇയാള്‍ക്ക് ബന്ധമുണ്ട്. ഈ മാസം 18നാണ് അഞ്ജാത മൃതദേഹം  കണ്ടെത്തിയത്. ഇന്നാണ് ഈ മൃതദേഹം കല്‍ബുര്‍ഗി കൊലപാതക കേസിലെ പ്രതിയെന്ന് പോലിസ് സംശയം ഉന്നയിച്ചത്.
എന്നാല്‍ ഔദ്ദ്യോഗിക സ്ഥിരീകരണം ഉണ്ടായിട്ടില്ല. കേസിലെ മറ്റൊരു പ്രതിയെ രണ്ടുമാസം മുമ്പ് അറസ്റ്റ് ചെയ്തിരുന്നു. ഇയാളില്‍ നിന്നുള്ള വിവരത്തിന്റെ അടിസ്ഥാനത്തിലാണ് കൊല്ലപ്പെട്ടയാളുടെ രേഖാചിത്രം കേസുമായി ബന്ധപ്പെടുത്തി പോലിസ് പുറത്തുവിട്ടത്.