കലാഗ്രാമം സംസ്ഥാന ചിത്രകലാ ക്യാംപ്

തിരുവനന്തപുരം: കേരള ലളിതകലാ അക്കാദമി കണ്ണൂര്‍ കാക്കണ്ണന്‍പാറയിലെ ആഗോള കലാഗ്രാമത്തില്‍ സംസ്ഥാന ചിത്രകലാ ക്യാംപ് സംഘടിപ്പിക്കുന്നു. നാളെയാണ് ത്രിദിന ക്യാംപ് ആരംഭിക്കുന്നത്. കേരളത്തിലെ വിവിധ ജില്ലകളില്‍ നിന്നും തിരഞ്ഞെടുത്ത 25 കലാകാരി/കലാകാരന്മാര്‍ ക്യാമ്പില്‍ പങ്കെടുക്കും.
നാളെ 11ന് അക്കാദമി ചെയര്‍മാന്‍ പ്രഫ. കാട്ടൂര്‍ നാരായണപ്പിള്ള ക്യാംപിന്റെ ഉദ്ഘാടനം നിര്‍വ്വഹിക്കും. സെക്രട്ടറി വൈക്കം എം കെ ഷിബു അദ്ധ്യക്ഷനാകും. ക്യാംപ് കണ്‍വീനറും അക്കാദമി അംഗവുമായ ശശികല തുടങ്ങിയവര്‍ ഉദ്ഘാടനയോഗത്തില്‍ പങ്കെടുക്കും. മാര്‍ച്ച് 24നാണ് ക്യാംപ് സമാപിക്കുക.