കനയ്യ പുറത്തേക്കാള്‍ സുരക്ഷിതന്‍ തിഹാര്‍ ജയിലില്‍: ബന്ധുക്കള്‍

ന്യൂഡല്‍ഹി: രാജ്യദ്രോഹക്കുറ്റമാരോപിക്കപ്പെട്ട് തിഹാര്‍ ജയിലില്‍ കഴിയുന്ന ജെഎന്‍യു വിദ്യാര്‍ത്ഥി യൂണിയന്‍ പ്രസിഡന്റ് കനയ്യ കുമാര്‍ പുറത്തേക്കാള്‍ സുരക്ഷിതന്‍ ജയിലിലാണെന്ന് ബന്ധുക്കള്‍. ഇന്നു ജയിലില്‍ കനയ്യയെ നേരിട്ട് കണ്ടശേഷമാണ് ബന്ധുക്കള്‍ ഇത്തരത്തില്‍ അഭിപ്രായപ്പെട്ടത്. ജയിലിലെ മൂന്നാം മുറിയില്‍ കനയ്യ സുരക്ഷിതനാണ്. ജയിലിന് പുറത്ത് കനയ്യയുടെ ജീവന് ഭീഷണിയുണ്ട്. കനയ്യ അവിടെ പുസ്തകങ്ങളും പത്രങ്ങളും വായിക്കുകയും ഡയറി എഴുതുകയും ചെയ്യുകയാണ്-സഹോദരന്‍ മണികാന്ത് സിങ് പറഞ്ഞു. തനിക്ക് സുഖമാണ് . തന്നെപറ്റി വിഷമിക്കേണ്ടെന്നും എല്ലാം ശരിയാവുമെന്നും മാതാപിതാക്കളെ അറിയിക്കാന്‍ കനയ്യ പറഞ്ഞതായി സഹോദരന്‍ വ്യക്തമാക്കി.
ദരിദ്രരുടെ കൂടെയാണ് പ്രധാനമന്ത്രിയെന്നു പറഞ്ഞു. എങ്കില്‍ ദരിദ്രനായ കനയ്യയുടെ കാര്യമെന്താണ് പ്രധാനമന്ത്രി അന്വേഷിക്കാത്തതെന്നും കനയ്യയുടെ അമ്മാവന്‍ രാജേന്ദര്‍ സിങ് പറഞ്ഞു.