ഒളിംപിക്സ്: ബോക്സിങ്, വോളിബോള് വിഭാഗങ്ങളില് ഖത്തറിന് യോഗ്യത
BY midhuna mi.ptk27 Jun 2016 9:23 AM GMT
X
midhuna mi.ptk27 Jun 2016 9:23 AM GMT
ദോഹ: ഒളിംപിക്സ് ചരിത്രത്തിലിതാദ്യമായി ബോക്സിങ്, വോളിബോള് വിഭാഗങ്ങളില് മല്സരിക്കാന് ഖത്തര് യോഗ്യത നേടി. ബ്രസീലിലെ റിയോ ഡി ജനീറോയില് നടക്കുന്ന ഒളിംപിക്സില് ബോക്സിങ്, വോളിബോള് വിഭാഗങ്ങളിലേക്ക് ഖത്തര് മല്സരിക്കും. ഈ രണ്ടു വിഭാഗങ്ങളിലും ഒളിംപിക്സില് ഖത്തര് ആദ്യമായാണ് മത്സരിക്കുന്നത്. ബോക്സിങില് ലൈറ്റ്വെയ്റ്റ് അറുപത് കിലോഗ്രാം വിഭാഗത്തില് ഖത്തറിന്റെ ഹകന് എറെസ്കര് ഒളിംപിക്സ് യോഗ്യത നേടി. ബാകുവിലെ അസേരി സിറ്റിയില് നടന്ന ചാംപ്യന്ഷിപ്പില് മികച്ച പ്രകടനം കാഴ്ചവച്ചതോടെയാണ് ഹകന് എറെസ്കര് യോഗ്യത നേടിയത്. 92 രാജ്യങ്ങളില് നിന്നായി 375 ബോക്സര്മാരാണ് ഒളിമ്പിക്സ് യോഗ്യതയ്ക്കായി പോരാട്ടത്തിനിറങ്ങിയത്. ദേശീയ ബീച്ച് വോളിബോള് ടീമും ഇതാദ്യമായി ഒളിംപിക്സ് യോഗ്യത നേടി. എവിസി കോണ്ടിനെന്റല് കപ്പില് ചൈനയെ പരാജയപ്പെടുത്തിയതോടെയാണ് ഒളിംപിക്സ് ചരിത്രത്തില് ആദ്യമായി ഖത്തര് ടീമിന് യോഗ്യത ലഭിച്ചത്. 18-21, 26-24, 15-11 എന്ന സ്കോറിനാണ് ഖത്തര് ചൈനയെ തകര്ത്തത്. വെയ്റ്റ്ലിഫ്റ്റിങ് താരം ഫാരിസ് ഇബ്രാഹിമും റിയോ ഒളിംപിക്സിലേക്ക് യോഗ്യത നേടിയിട്ടുണ്ട്. ഏഷ്യന് ചാംപ്യന് മുഹമ്മദ് അല്ഗര്നി(1500 മീറ്റര്), ഹാമര് ത്രോയില് രണ്ടുതവണ ലോക ജൂനിയര് ചാംപ്യനായ അഷ്റഫ് എല്സീഫി, 400 മീറ്ററില് 2016ലെ ലോക ഇന്ഡോര് ചാംപ്യനായ അബ്്ദല്അലേല ഹാറൂണ്, 100 മീറ്ററില് നിലവിലെ ഏഷ്യന് റെക്കോഡിന് ഉടമയായ ഫെമി ഒഗുനോഡെ, സ്കീറ്റ് ഷൂട്ടിങിലും ടേബിള് ടെന്നീസിലും മല്സരിക്കുന്ന റാഷിദ് ഹമദ്, ലീ പെങ് എന്നിവരാണ് ഖത്തറിനെ പ്രതിനിധീകരിക്കുന്ന മറ്റു താരങ്ങള്. ഒളിംപിക്സിനുള്ള യോഗ്യതാ മല്സരങ്ങള് ജൂലൈ വരെ നടക്കുന്നതിനാല് കൂടുതല് താരങ്ങള്ക്ക് യോഗ്യത ലഭിക്കുമെന്നാണ് പ്രതീക്ഷിക്കുന്നത്. തുടര്ച്ചയായി ആറാം ഒളിംപിക്സില് മല്സരിക്കാനിറങ്ങുന്ന ഷൂട്ടര് നാസര് സാലേഹ അല് അത്തിയ്യ, രണ്ടാം ഒളിംപിക്സിനിറങ്ങുന്ന ഹൈജമ്പ് താരം മുതാസ് ബര്ഷിം, നീന്തല് താരം നദ അര്ഖജി എന്നിവരും റിയോയില് ഖത്തറിന്റെ പ്രതീക്ഷകളാണ്. 2012ലെ ലണ്ടന് ഒളിമ്പിക്സില് വൈല്ഡ് കാര്ഡ് എന്ട്രിയിലൂടെ നദ മല്സരിച്ചിരുന്നു. ലണ്ടനില് നാലു വനിതകള് ഖത്തറിനായി മല്സരിച്ചിരുന്നുവെങ്കിലും ഇത്തവണ രണ്ടു വനിതകള് മാത്രമാണ് ഉണ്ടാവുകയെന്നാണറിയുന്നത്. റിയോയില് മല്സരിക്കുന്ന ഖത്തരി താരങ്ങളുടെ വിശദാംശങ്ങള് ഉടന് പുറത്തുവിടുമെന്ന് ഖത്തറിന്റെ ചീഫ് ഡി മിഷന് റ്റു റിയോ മുഹമ്മദ് അല് ഫദാല പറഞ്ഞു. ദേശീയ ഹാന്ഡ്ബോള് ടീമും എക്വസ്ട്രിയന് ജമ്പിങ് ടീമും ഇതാദ്യമായി ഒളിംപിക്സില് മല്സരിക്കും. കഴിഞ്ഞവര്ഷം ഖത്തറില് നടന്ന പുരുഷ ഹാന്ഡ്ബോള് ലോക ചാംപ്യന്ഷിപ്പില് ഖത്തര് രണ്ടാമതെത്തിയിരുന്നു. അബുദബിയില് നടന്ന എഫ്ഇഐ നാഷന്സ് കപ്പില് രണ്ടാം തലത്തില് ഖത്തര് എക്വസ്ട്രിയന് ജമ്പിങ് ടീം വിജയിച്ചിരുന്നു.
Next Story
RELATED STORIES
ബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT