എറണാകുളത്ത് 148 സ്ഥാനാര്‍ഥികളുടെ പത്രികകള്‍ക്ക് അംഗീകാരം

കൊച്ചി: നിയമസഭാ തിരഞ്ഞെടുപ്പിന്റെ ഭാഗമായി ജില്ലയിലെ 14 നിയമസഭാ മണ്ഡലങ്ങളിലെ നാമനിര്‍ദേശ പത്രികകളുടെ സൂക്ഷ്മ പരിശോധന പൂര്‍ത്തിയായപ്പോള്‍ 148 സ്ഥാനാര്‍ഥികളുടെ പത്രികകള്‍ക്ക് അംഗീകാരം ലഭിച്ചു.
വൈപ്പിന്‍ -13, കുന്നത്തുനാട് -എട്ട്, തൃപ്പൂണിത്തുറ-14, ആലുവ-13, പെരുമ്പാവൂര്‍-11, പറവൂര്‍ -10, മൂവാറ്റുപുഴ -ആറ്, കോതമംഗലം- എട്ട്, കളമശ്ശേരി-11, അങ്കമാലി-12, പിറവം-9, തൃക്കാക്കര-11, എറണാകുളം-11, കൊച്ചി-11. എന്നിങ്ങനെയാണ് അംഗീകരിച്ച പത്രികകള്‍. മല്‍സരരംഗത്തുള്ള പ്രമുഖരുടെ ആരുടെയും പത്രികകളില്‍ അപാകതകണ്ടെത്തിയിട്ടില്ല.
അംഗീകൃത രാഷ്ട്രീയപ്പാര്‍ട്ടികളുടെയും സംസ്ഥാന രാഷ്ട്രീയപ്പാര്‍ട്ടികളുടെയും രജിസ്റ്റര്‍ ചെയ്യപ്പെട്ട രാഷ്ട്രീയപ്പാര്‍ട്ടികളുടെയും സ്ഥാനാര്‍ഥികള്‍ പത്രിക നല്‍കിയിരുന്നു. പത്രിക പിന്‍വലിക്കാനുള്ള അവസാന തിയ്യതിയായ മേയ് രണ്ടിനു മാത്രമേ ഓരോ മണ്ഡലത്തിലെയും യഥാര്‍ഥ ചിത്രം വ്യക്തമാവൂ.