ഉംറ, ഹജ്ജ് തട്ടിപ്പ്: ഒരാള്‍ അറസ്റ്റില്‍

കോതമംഗലം: ഉംറയ്ക്കും ഹജ്ജിനും കൊണ്ടുപോവാമെന്നുപറഞ്ഞ് പണം വാങ്ങി മുങ്ങിയയാളെ കോതമംഗലം പോലിസ് അറസ്റ്റു ചെയ്തു. നെല്ലിക്കുഴിയില്‍ അല്‍ഹുദാ ഹജ്ജ് ആന്റ് ഉംറ എന്ന പേരില്‍ സര്‍വീസ് നടത്തിയിരുന്ന സ്ഥാപനത്തിന്റെ ഉടമ പാലക്കാട് മണ്ണാര്‍ക്കാട് തൈങ്കര പോന്തേത്ത് വീട്ടില്‍ പി എം റഹീം(36)നെയാണ് നെടുമ്പാശ്ശേരി വിമാനത്താവളത്തില്‍ വച്ച് അറസ്റ്റു ചെയ്തത്.
തങ്കളത്തുള്ള വട്ടക്കുടിയില്‍ ഇബ്രാഹിമിനെയും ഭാര്യയെയും ഹജ്ജിനു കൊണ്ടുപോവാമെന്നു പറഞ്ഞ് 6,60,000 രൂപ കൈപറ്റിയശേഷം ഒളിവില്‍ കഴിഞ്ഞു വരികയായിരുന്നു പ്രതി.
ഇയാള്‍ രാമനാട്ടുകരയില്‍നിന്ന് ആളുകളെ സംഘടിപ്പിച്ച് ഉംറയ്ക്കു പോവുന്നതിനായി വിമാനത്താവളത്തില്‍ എത്തിയ സമയത്താണ് എമിഗ്രേഷന്‍ ഉദ്യോഗസ്ഥരുടെ സഹായത്താല്‍ പോലിസ് പിടികൂടിയത്.