ഈരാറ്റുപേട്ട നഗരസഭാ വോട്ടെടുപ്പില്‍ നിന്ന് എസ്.ഡി.പി.ഐ വിട്ടുനിന്നു

ഈരാറ്റുപേട്ട: നഗരസഭയിലേക്ക് നാല് വോട്ടുകള്‍ നേടിയ എസ്ഡിപിഐ കൗണ്‍സിലര്‍മാര്‍  നഗരാസഭാ വോട്ടെടുപ്പില്‍ നിന്ന് വിട്ടുനിന്നു. നഗരസഭയില്‍ ചെയര്‍മാനായി എല്‍ഡിഎഫിലെ ടി എം റഷീദിനെ തിരഞ്ഞെടുത്തു. വൈസ് ചെയര്‍മാനായി കേരള കോണ്‍ഗ്രസ് സെക്യൂലറിന്റെ പ്രതിനിധി കുഞ്ഞുമോള്‍ സിയാദ് മറ്റക്കൊമ്പനാലിനെയും തിരഞ്ഞെടുത്തു.
11ന് എതിരെ 13 വോട്ടുകള്‍ നേടിയാണ് ടി എം റഷീദ് തിരഞ്ഞെടുത്തത്. യുഡിഎഫില്‍ നിന്ന് ചെയര്‍മാന്‍ സ്ഥാനത്തേക്ക് എതിരായിട്ട് മല്‍സരിച്ചത് വി എം സിറാജും വൈസ് ചെയര്‍മാന്‍ സ്ഥാനത്തേക്ക് ഫാത്തിമ അന്‍സറുമാണ്. എല്‍.ഡി.എഫാണ് ഇവിടെ കൂടുതല്‍ സീറ്റ് നേടിയത്. ചട്ടപ്രകാരം ആറുമാസത്തിനുള്ളില്‍ ഭൂരിപക്ഷം തെളിയിക്കണം.