ഇമാമിന്റെ വധം: മകന്‍ അറസ്റ്റില്‍

ശ്രീനഗര്‍: കശ്മീര്‍ താഴ്‌വരയിലെ അനന്ത്‌നാഗ് ജില്ലയില്‍ ഇമാം കൊലചെയ്യപ്പെട്ടതുമായി ബന്ധപ്പെട്ട് ഏഴാംതരം വിദ്യാര്‍ഥിയായ മകനെ പോലിസ് അറസ്റ്റ് ചെയ്തു. ബ്രഗം ഗ്രാമത്തിലെ പള്ളി ഇമാമിന്റെ മൃതദേഹം അദ്ദേഹത്തിന്റെ വീടിനടുത്ത വയലില്‍ ഈ മാസം ഒമ്പതിനാണു കാണപ്പെട്ടത്. മൃതദേഹത്തിന്റെ തലയില്‍ മുറിവേറ്റ പാടുണ്ടായിരുന്നു. കൊലപാതകം നടന്ന ദിവസം വയലില്‍ ഇമാമും മകനും ഒന്നിച്ച് ജോലിചെയ്തിരുന്നതായി അന്വേഷണത്തില്‍ തെളിഞ്ഞു. മകന്‍ മഴുകൊണ്ട് പിതാവിനെ കൊലപ്പെടുത്തുകയായിരുന്നുവെന്ന് പോലിസ് പറഞ്ഞു. കുടുംബകലഹമാണ് കൊലപാതകത്തിനു കാരണമെന്ന് പോലിസ് പറഞ്ഞു.