അര്ജന്റീന മുന് ഏകാധിപതിക്ക് 20 വര്ഷം തടവ്
BY midhuna mi.ptk29 May 2016 5:32 AM GMT
midhuna mi.ptk29 May 2016 5:32 AM GMT
ബ്യൂണസ് ഐറിസ്: അര്ജന്റീനയില് മുന് ഏകാധിപതി റെയ്നോള്ഡോ ബിഗ്നോണിന്(88) മനുഷ്യാവകാശ കുറ്റങ്ങളില് 20 വര്ഷം തടവ്. ബിഗ്നോണിനു പുറമേ ഇയാളുടെ ഭരണകാലത്തെ ഉദ്യോഗസ്ഥരായിരുന്ന 14 പേര്ക്കും അര്ജന്റീനയിലെ ഫെഡറല് കോടതി എട്ടുവര്ഷം മുതല് 25 വര്ഷം വരെ തടവുശിക്ഷ വിധിച്ചു. ആറ് ഏകാധിപതികള് സംയുക്തമായി നടത്തിയ, ലാറ്റിനമേരിക്കന് രാജ്യങ്ങളില് നിന്നു നിരവധി പേരെ തട്ടിക്കൊണ്ടുപോവുകയും അതിര്ത്തി കടത്തുകയും ചെയ്യുന്നതിനുള്ള ഗൂഢാലോചനയായ ഓപറേഷന് കോണ്ഡോറുമായി ബന്ധപ്പെട്ടാണ് അറസ്റ്റ്. ഓപറേഷന് കോണ്ഡോര് ഒരു അന്താരാഷ്ട്ര ഗൂഢാലോചനയാണെന്നതിനു വ്യക്തമായ തെളിവുകളുള്ളതായി കോടതി വ്യക്തമാക്കി. 1970കളില് ആരംഭിച്ച ഓപറേഷന് കോണ്ഡോറിനായി ഏകാധിപതികള് രഹസ്യ പോലിസ് സംവിധാനം ഉപയോഗിച്ച് തങ്ങളുടെ എതിരാളികളെ കണ്ടെത്തുകയും അവരെ അതിര്ത്തി കടത്തി കൊലപ്പെടുത്തുകയും ചെയ്തിരുന്നു. ചിലി, അര്ജന്റീന, ബൊളീവിയ, പരാഗ്വെ, ബ്രസീല്, ഉറുഗ്വെ എന്നിവിടങ്ങളിലെ യുഎസ് പിന്തുണയുള്ള ഏകാധിപതികളുടെ നേതൃത്വത്തിലായിരുന്നു കോണ്ഡോര് ഗൂഢാലോചന നടന്നത്. 1976-83 കാലത്തെ ഏകാധിപത്യകാലത്ത് അര്ജന്റീനയില് നടന്ന വിവിധ മനുഷ്യാവകാശ കുറ്റകൃത്യങ്ങളില് മുന് ജനറലായ ബിഗ്നോണ് പ്രതിയാണെന്ന് ഫെഡറല് കോടതി കണ്ടെത്തിയിരുന്നു.
Next Story
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT