അര്ക്കട്ടൂത്തസ്
BY ajay G.A.G31 Dec 2015 3:52 AM GMT
ajay G.A.G31 Dec 2015 3:52 AM GMT
സമുദ്രത്തിന്റെ അഗാധതകളില് കഴിഞ്ഞുകൂടുന്ന അദ്ഭുത ജീവിയാണ് അര്ക്കട്ടൂത്തസ് എന്ന ശാസ്ത്രനാമത്തില് അറിയപ്പെടുന്ന ഭീമന് കൂന്തള്. അങ്ങനെയൊരു ജീവി കടലിലുണ്ടെന്നു മീന്പിടിത്തക്കാര് പണ്ടുമുതലേ പറഞ്ഞുവരാറുണ്ടെങ്കിലും ഗവേഷകരോ ശാസ്ത്രജ്ഞരോ സമീപകാലം വരെ അതിനെ നേരിട്ടു കണ്ടിട്ടുണ്ടായിരുന്നില്ല. എന്നാല്, 2005ല് അങ്ങനെയൊരു ജീവിയുടെ ജഡം കരയില് അടിഞ്ഞത് വലിയ ആകാംക്ഷയുളവാക്കി. ഏതാണ്ടൊരു ബസ്സിന്റെ വലുപ്പമുള്ള കൂറ്റന് ജീവിയുടെ ശരീരഭാഗങ്ങളാണ് അന്നു കണ്ടെത്തിയത്. പിന്നീട് 2012ല് സമുദ്രാന്തര്ഭാഗത്തെ ഗവേഷണ പ്രവര്ത്തനങ്ങള്ക്കിടയില് ഇത്തരമൊരു ജീവിയുടെ വിദൂരത്തുനിന്നുള്ള വീഡിയോദൃശ്യങ്ങളും ലോകത്തിനു ലഭ്യമായി. ഇത്തവണ ക്രിസ്മസിനു തലേന്ന് ഭീമന് കൂന്തള് മനുഷ്യരെ നേരിട്ടു കാണാനെത്തി. ജപ്പാനിലെ ടൊയാമ കടല്ത്തീരത്താണ് കക്ഷി എത്തിച്ചേര്ന്നത്. കടലില് കുളിക്കുന്ന ആളുകള്ക്ക് കണ്നിറയെ കാണാനായി. ഈ ജീവിയുടെ വലുപ്പം ഏതാണ്ട് 12 അടി വരും. കടല്ത്തീരത്ത് വഴിതെറ്റി വന്ന ഈ അദ്ഭുത ജീവിയെ തദ്ദേശീയനായ ഒരു യുവാവ് ആഴക്കടലിലേക്കു തിരിച്ചുപോവാന് സഹായിക്കുകയായിരുന്നു. ഗവേഷകര് പറയുന്നത് ഭീമന് കൂന്തളുകള് ഏതാണ്ട് 40 അടി വരെയെങ്കിലും നീളം വയ്ക്കുമെന്നാണ്. കടലിലെ ജീവിവര്ഗങ്ങളില് ഏറ്റവും വലുപ്പമുള്ളവയില്പ്പെടും അവ. ഭീമന് തിമിംഗലങ്ങളാണ് വലുപ്പത്തില് അവയെ കവച്ചുവയ്ക്കുന്നതായുള്ളത്.
Next Story
RELATED STORIES
സര്ക്കാര് മാറിയാല് മാതൃകാപരമായ നടപടിയുണ്ടാവും; ഇത് എന്റെ...
29 March 2024 2:46 PM GMTകോണ്ഗ്രസിനെതിരേ 'നികുതി ഭീകരത; ബിജെപിയില്നിന്ന് 4617 കോടി...
29 March 2024 12:14 PM GMTഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTപുൽപ്പള്ളി-മാനന്തവാടി റോഡിൽ കാട്ടാനയുടെ മുന്നില്നിന്ന് കാർ...
29 March 2024 11:07 AM GMTകോവിഡിനെ തുടർന്ന് ജോലി നഷ്ടമായപ്പോൾ മോഷണം തുടങ്ങി; ടെക്കി യുവതി...
29 March 2024 11:06 AM GMTപട്ടാമ്പി-പാലക്കാട് റൂട്ടിലെ റെയിൽവേ ഗേറ്റ് തടസ്സം...
29 March 2024 11:04 AM GMT