അടിഭാഗത്ത് പുക; എയര്‍ ഇന്ത്യാ വിമാനം മുംബൈയില്‍ അടിയന്തരമായി ഇറക്കി; യാത്രക്കാര്‍ സുരക്ഷിതര്‍

മുംബൈ: അടിഭാഗത്ത് നിന്ന് പുക ഉയര്‍ന്നതിനെ തുടര്‍ന്ന് എയര്‍ ഇന്ത്യയുടെ 612 വിമാനം അടിയന്തരമായി മുംബൈയില്‍ ഇറക്കി. വിമാനത്തിലെ 120 യാത്രക്കാരെയും തല്‍ക്ഷണം സുരക്ഷിതമായി ഇറക്കി. എയര്‍ ബസ് വിഭാഗത്തില്‍പ്പെട്ട എ ഐ 612 വിമാനമാണ് അതിവേഗം നിലത്തിറക്കിയത്. ഹൈദരാബാദില്‍ നിന്നും മുംബൈയിലേക്ക് വന്ന വിമാനമാണ് പുക കണ്ടതിനെ തുടര്‍ന്ന് അടിയന്തരമായി ഇറക്കിയത്. 615ന് ഹൈദരാബാദില്‍ നിന്നും പുറപ്പെട്ട വിമാനം 7.50നാണ് മുംബൈയില്‍ ഇറക്കേണ്ടിയിരുന്നത്. എന്നാല്‍ പുക കണ്ടതിനെതുടര്‍ന്ന് 7.30ന് വിമാനം ലാന്റ് ചെയ്യുകയായിരുന്നു.